Móderötunum Ulf Kristersson, forsætisráðherra Svíþjóðar t.v. og Pål Jonson varnarmálaráðherra t.h. hefur á örskömmum tíma tekist að umturna aldagömlu friðsömu ríki í stríðssturlaðan aðila sem undirbýr þriðju heimsstyrjöldina við Rússland.
Í friðaráætlun fyrir Úkraínu sem varaforsetaframbjóðandi Donald Trump, JD Vance, hefur lagt fram, þá er gert ráð fyrir því að Úkraína verði hlutlaust ríki án aðildar að hernaðarbandalagi Nató. Ríkisstjórn Svíþjóðar sem móderatar leiða hafnar alfarið þeirri hugmynd. Pål Jonson varnarmálaráðherra Svíþjóðar segir nei við tillögu um að Úkraína verði hlutlaust ríki.
Pål Jonson, varnarmálaráðherra Svíþjóðar, var í viðtali hjá SVT í vikunni og hafnaði þar alfarið friðaráætlun Donald Trump fyrir Úkraínu sem varaforsetaframbjóðandi hans JD Vance kynnti fyrir stuttu.
Meðal annars, þá er það hluti friðaráætlunarinnar að Úkraína verði hlutlaust ríki án aðildar að hernaðarbandalagi Nató. Jonson sagði í SVT:
„Við styðjum ekkert slíkt.“
Að sögn Jonson hafa „öll aðildarríki Nató ákveðið“ að Úkraína eigi rétt á að gerast aðili að Nató og muni gerast aðili að Nató:
„Úkraína er á óafturkræfri leið í átt að Nató-aðild.“
Sænski varnarmálaráðherrann leggur áherslu á, að friðurinn verði byggður á úkraínskum forsendum og að engar ákvarðanir verði teknar án samþykkis einræðisherrans í Kænugarði. Svo lengi sem Úkraína vill halda áfram að berjast, þá munu Svíar styðja áframhaldandi stríð.
Ef Úkraína verður aðildarríki Nató, þýðir það að Nató er opinberlega í stríði gegn Rússlandi. Rússar setja það sem skilyrði fyrir friðarsamningum, að Úkraína verði ekki aðili að Nató. Vesturlönd og Nató eru í stríði gegn Rússlandi með vopnasendingum, peningasendingum og þjálfun hermanna ásamt hernaðarsérfræðingum, þrátt fyrir að reynt sé að telja fólki trú um annað. Búið er að rústa Úkraínu og eyðileggja þjóðina. Milljón manns hefur verið slátrað og gerðir örkumla og stór hluti þjóðarinnar hefur flúið til annarra ríkja.
Svíþjóð undirbýr þátttöku í þriðju heimsstyrjöldinni
Sænsk hernaðaryfirvöld undirbúa þriðju heimsstyrjöldina við Rússa, yfirvöld undirbúa Svía undir stríðið og verið er að endurbæta járnbrautakerfið svo hægt verði á fljótvirkari hátt að flytja vopn og herlið til vígvallarins og lík og særða til baka. Sænski varnarmálaráðherrann fullyrðir að Rússland muni ráðast á Svíþjóð með eldflaugum og sprengjum.
Svíþjóð sem státað hefur af friðarviðleitni og hlutleysi í aldaraðir er orðið stríðssturlað á örskömmum tíma vegna fyrirmæla frá Washington og stjórnmálamanna í byssuleik. Reynt verður að kæfa jólaboðskapinn í ár með endalausu myrkri.
