Trump hefur stofnað sérstakt friðarráð til að sjá um enduruppbyggingu Gaza. Hann hefur meðal annars boðið Pútín Rússlandsforseta og Orbán forsætisráðherra Ungverjalands stöðu stofnenda í ráðinu. Myndin sýnir bréf Trumps til Viktor Orbán. (Mynd skjáskot X/Viktor Orbán).
Hvíta húsið hefur staðfest áætlanir um nýtt alþjóðlegt friðarátak undir forystu Donalds Trumps. Meðal þeirra sem er boðið eru Vladímír Pútín, forseti Rússlands, og Viktor Orbán, forsætisráðherra Ungverjalands.
Samkvæmt opinberri yfirlýsingu frá Hvíta húsinu (sjá pdf að neðan), þá er Friðarráðinu ætlað að gegna lykilhlutverki í framkvæmd svokallaðrar heildaráætlunar til að binda enda á átökin í Gaza. Áætlunin samanstendur af 20 liðum og hefur verið samþykkt af Öryggisráði Sameinuðu þjóðanna með ályktun 2803. Friðarráðið mun bera ábyrgð á eftirliti, fjármögnun og að tryggja að endurreisn Gaza fari fram samkvæmt nýja rammanum.
Donald Trump er formaður ráðsins og hefur samkvæmt Hvíta húsinu skipað framkvæmdastjórn með nöfnum á borð við Jared Kushner eiginmanni Ivanka Trump og fjárfesti, Marco Rubio utanríkisráðherra Bandaríkjanna, Ajay Banga forstjóra Mastercard Inc. og fyrrverandi forsætisráðherra Bretlands Tony Blair. Þessir munu meðal annars sjá um innviði, efnahagslegan stöðugleika, öryggi og alþjóðlegt samstarf.
Pútín hefur fengið boð – Kreml staðfestir
Kreml hefur staðfest að Vladímír Pútín hafi verið boðið að taka þátt í Friðarráðinu. Dmitry Peskov, blaðafulltrúi forsetans, gaf yfirlýsingu um málið á blaðamannafundi að sögn Tass. Peskov sagði:
„Pútín forseti hefur fengið boð um að taka þátt í Friðarráðinu eftir diplómatískum leiðum. Við erum núna að skoða upplýsingarnar með þessari tillögu. Við vonumst til að eiga samskipti við Bandaríkjamenn til að allar hliðar komi fram.“
Ungverjaland þiggur boðið
Viktor Orbán, forsætisráðherra Ungverjalands, tilkynnti á samfélagsmiðlum að hann hefði einnig fengið og þegið boð frá Trump forseta um að taka þátt sem einn af stofnendum Friðarráðsins: Orbán skrifar á X:
„Trump forseti hefur boðið Ungverjalandi að taka þátt í Friðarráðinu sem stofnandi. Við höfum að sjálfsögðu þegið þetta heiðursboð.“
Alþjóðleg stjórn og ný öryggissveit
Áætlunin felur einnig í sér stofnun Þjóðarnefndar um stjórn Gaza, NCAG, og sérstakrar alþjóðlegrar öryggissveitar. Samkvæmt Hvíta húsinu mun Dr. Ali Sha’ath leiða NCAG en fjölþjóðleg sveit undir forystu hershöfðingjans Jasper Jeffers mun bera ábyrgð á öryggi svæðisins á meðan enduruppbyggingin stendur yfir.