Thjodolfur

frjals og fullvalda

Pólland: Verðum að loka landamærunum áður en við verðum eins og Svíþjóð

Gústaf Skúlason

Kvikmyndaskeið sem sýna fjöldabænir múslima í nokkrum pólskum borgum hrella Pólverja sem hingað til hefur verið tiltölulega hlíft við fjölbreytileikanum. Pólskir stjórnmálamenn og álitsgjafar vara nú við því að land þeirra sé að verða eins og Svíþjóð og muni fylgja Vesturlöndum „niður í hyldýpið.“

Pólland breytist hratt og fjöldabænir múslima á Eid al-Fitr hátíðinni vekja hörð viðbrögð meðal Pólverja. Myndbandsskeiðum frá miklum mannfjölda í nokkrum pólskum borgum er núna dreift á netinu og notað sem dæmi um hvernig Pólland er á örskömmum tíma farið að líkjast fjölmenningarlöndum eins og Þýskalandi, Frakklandi og Belgíu.

Pawel Lisicki, aðalritstjóri hins áhrifamikla pólska tímarits Do Rzezcy, segir samkvæmt Remix News:

„Ég hefði ekki giskað á að Pólland myndi tengjast íslam. Ég hef séð mörg myndbönd á netinu þar sem múslimar fagna Bajram. Villtur mannfjöldi sem fékk ekki pláss í moskunum.“

Lisicki varar við því að Pólland sé við það að endurtaka sömu mistök og önnur Vestur-Evrópuríki:

„Við fylgjum vestræna heiminum niður í hyldýpið.“

Stjórnmálamenn bregðast einnig hart við þróuninni. Slawomir Mentzen, forsetaframbjóðandi Hægra Bandalagsins, kallar eftir tafarlausum aðgerðum til að koma í veg fyrir að Pólland fari í fótspor Svíþjóðar og sambærilegra landa. Hann skrifar á X:

„Við verðum tafarlaust að loka landamærunum fyrir innflytjendum frá múslímskum löndum! Áður en það er um seinan, áður en Pólland verður eins og Bretland, Frakkland eða Svíþjóð. Þetta er síðasta tækifærið. Við verðum að reyna að vísa þeim úr landi í staðinn!“

Áhugaverðar fréttir

Fara efst á síðu