Jason Sullivan skrifar á The Gateway Pundit um nýtt myndband sem uppljóstrar um tengsl úkraínskra nasista við djúpríkið í Washington og demókrataflokkinn. Sagt er frá baráttu glóbalista gegn Donald Trump allt frá lygum um samneyti Trumps við Rússland 2016, valdaránið í Kænugarði 2014, stolnu kosningunum 2020, óeirðunum við þinghúsið 6. janúar 2021, öllum ákærum á Trump til að binda endi á forsetaframboð hans og morðtilræðin við Trump.
Nærvera úkraínsku nasistanna í þinghúsinu þann 6. janúar ásamt fjölmiðlafólki frá Úkraínu sannar að um meðvitaða og undirbúna aðgerð var að ræða til að fyrst og fremst koma Trump frá völdum. Margar myndir innan úr þinghúsinu birtust fyrst í sjónvarpsfréttum í Úkraínu áður en bandarískir sjónvarpsáhorfendur fengu að sjá þær. Núna þegar ekkert gengur með hið pólitíska morð á Donald Trump er ekkert annað eftir en bein morðtilræði. Síðasta fyrirhugaða morðtilræðið á golfvelli Trumps tengist beint úkraínskum nasistum.
Markmiðið var pólitískt morð á Donald Trump
Jason Sullivans skrifar:
„Djúpríkið, demókratar, stríðsæsingamennirnir og alþjóðasinnarnir hafa þá áætlun að stela kosningunum 2024 og Jack Smith handlangari þeirra vinnur sleitulaust að því að fangelsa Donald J. Trump forseta vegna atburðanna 6. janúar.“
Greinilega var tilgangur djúpríkisins í samstarfi við úkraínsku nasistana að búa til þá sögu með óeirðunum við þinghúsið, að Donald Trump væri að gera uppreisn gegn bandaríska ríkinu svo hægt væri að fella hann sem landráðamann eða alla vega að koma í veg fyrir að hann gæti boðið sig fram aftur til embættis forseta Bandaríkjanna.
Ekki er erfitt að minnast þinghúsbrunans í Berlín 27. febrúar 1933, fjórum vikum eftir að Hitler varð kanslari Þýskalands. Nasistar sögðu að kommúnistar hefðu kveikt í þinghúsinu til að reyna að fremja valdarán og Hitler tókst að fá forseta Þýskalands, Paul von Hindenburg, til að skrifa undir tilskipun um neyðarástand sem nasistar notuðu til að afnema borgaraleg réttindi og stunda miskunnarlaus átök gegn stjórnmálaandstæðingum sínum.
Valdaránið í Úkraínu 2014 var upphafsaðgerð skipulagðrar langtímaáætlunar
Sullivan skrifar:
„Árið 2014 skipulagði ríkisstjórn Obama/Biden valdarán með utanríkisráðuneytinu undir stjórn Victoria Nuland í svo kallaðri „Euromaidan-byltingu“ og settu upp leppstjórn í Úkraínu. Þetta valdarán var ekki bara valdataka; þetta var upphafsaðgerð vandaðrar, langtímaáætlunar fyrir endalaust umboðsstríð og stórfelldan peningaþvott.“
„Þegar Donald Trump tók óvænt forystuna í kosningunum 2016, þá fór þessi vandlega útreiknaða áætlun þeirra í frjálst fall sem orsakaði mikla reiði meðal alþjóðasinna. Til að reyna að eyðileggja framboð Trumps settu þeir í gang stórfelldar lygar um rússneskt samráð Trumps. Þegar það mistókst þá bættu þeir við lygarnar til að lama forsetatíð hans, samtímis sem þeir undirbjuggu í leyni fyrirhugað umboðsstríð þeirra (í Úkraínu) um leið og þeim tókst að bola honum úr embætti.“
Gríðarlegir peningaflutningar frá bandarískum skattgreiðendum til Úkraínu
„Þegar ítrekaðar tilraunir þeirra til að kæra og fjarlægja Trump forseta mistókust, þá skipulögðu þeir þjófnað á kosningunum 2020 til að ná völdum. Á undanförnum fjórum árum, eftir yfirtökuna á Hvíta húsinu, þá hafa þeir tekið yfir 225 MILLJARÐA dollara af peningum skattgreiðenda og flutt yfir í botnlausa gryfju erlendra átaka sem hafa fært heiminn að barmi þriðju heimsstyrjaldarinnar sem verður hrikaleg og ólík öllu öðru sem við höfum nokkurn tíma séð.“
Sjá má á myndskeiðinu, hvernig úkraínskir útsendarar og leyniþjónustumenn lögreglunnar í Washington blanda sér inn í mannfjöldann og æsa til árásar á þinghúsið. Merkilegir hlutir eins og að myndefni beint innan úr þinghúsinu birtist fyrst í Úkraínu áður en efnið náði bandarískum sjónvarpsskermum sýnir, að úkraínskir útsendarar voru viðriðnir árásina sem var sviðsett til að að búa til þá sögu, að Trump forseti hafi hvatt til ofbeldis þann 6. janúar.
Myndbandið gefur óumflýjanlegar vísbendingar um hvernig djúpríkið, demókratar, stríðsæsingamenn og alþjóðasinnar mynduðu samfylkingu til að skipuleggja pólitískt morð á Donald Trump þann 6. janúar 1921. Árásin á þinghúsið var samræmt átak til að eyðileggja pólitíska framtíð Trumps án þess að þurfa að drepa hann. Núna reynir þessi samfylking djúpríkisaflanna og glóbalistanna að klára verkið með því að reyna að drepa Trump, þar sem Trump er að takast að vinna forsetakosningarnar sem fara fram eftir tíu daga.
Hér að neðan má sjá myndskeiðið. Þegar myndin var sett út á Vimeo, þá lokaði Vimeo reikningum þeirra sem lögðu myndina út. Öllum sem vilja er heimilt og ráðlagt að hlaða niður myndina á meðan tækifæri gefst:
