Stefan Mörner er með sumarþátt á Swebbtv. Hann segir að sú stefna sem margir fylgja í dag með „grænum“ umskiptum og kynjaskilgreiningum muni leiða til sömu harðstjórnar og mannkynið hefur áður séð. Innihaldið sé kommúnismi í nýjum búningi.
Bera má saman „grænu útópíu“ nútímans og kynjapólitík vinstrimanna við kommúnismann að sögn Staffan Mörner. Hann segist persónulega hafa fljótlega orðið óánægður með hinn „hart miðstýrða vinstriflokk“ sem hann lenti sjálfur í á áttunda áratugnum.
Áttaði sig á hryllingi kommúnismans
Hann áttaði sig á hryllingi kommúnismans. Mörner segir:
„Ég var með vini sem áttu ritverk Stalíns, sem fylltu marga hillumetra. Umræðurnar minntu meira á miðaldafræði en vitsmunalega sannleiksleit. Það mikilvægasta var að komast að því, hvað spámennirnir – Marx, Lenín, Stalín og Maó – boðuðu í ritum sínum. Fara svo og rífast upp á líf og dauða milli ólíkra vinstri brota um hvaða túlkun væri sú rétta.“
Mörner segir að það sé auðvelt að leita að einföldum lausnum sem ungur maður:
„Það er svo auðvelt að gleypa hugmyndafræði með húð og hári, þegar maður er ungur. Kommúnisminn segist bara vilja gera alla hamingjusama og allt verði gott, þrátt fyrir að leiðin þangað geti verið ofbeldisfull, því kúgararnir vilja halda völdum sínum og forréttindum hvað sem það kostar.“
„Margir trúa í dag á græna útópíu í höndum ríkisins sem að mati örvæntingarfyllstu græningjanna verður líklega að koma á með ofbeldi.“
Pólitískur rétttrúnaður
Staffan Mörner segir hina kynlegu kynjapólitík byggja á afstöðu kommúnismans um annars vegar fórnarlömb og hins vegar vonda kúgara. Hann segir:
„Eða pólitíska rétthugsun sem telur að öll félagsleg vandamál séu vegna hvíta feðraveldisins. Öll vandamál hafa einfalda svart-hvíta lausn, þar sem litið er á fólk sem annað hvort fórnarlömb eða vonda kúgara. Þetta snýst um tilfinningar, fáfræði og söguleysi, – ekki staðreyndir og rök. Þetta er kommúnismi í nýrri mynd sem segist geta bjargað heiminum en er í rauninni dæmdur til að leiða til sömu harðstjórnar og áður í sögunni.“
Lifa á því að hræða fólk
Að sögn Mörner er í grundvallaratriðum lofsverð skuldbinding í umhverfishreyfingunni:
„Vandamálið í dag er að fólk hefur látið plata sig til að trúa því, að notkun jarðefnaeldsneytis leiði til hamfarahlýnunar. Ekki síst kemur slíkur áróður frá alþjóðlegum umhverfissamtökum sem lifa á því að hræða fólk. Það er svo ömurlegt að heyra um loftslagskvíða ungs fólks sem fær þau til að óska sárlega eftir einræði og eru svo svartsýn á framtíðina, að þau vilja ekki eignast börn. Það er sorglegt, því ég veit ekkert jákvæðara sem þú getur gert, bæði fyrir sjálfan þig og heiminn en að stofna fjölskyldu.“
Hér að neðan má hlýða á sumarþátt Staffan Mörner:
