Gagnrýni á vindorku er talin „rússnesk vindorkufóbía“ samkvæmt nýrri skýrslu vindorkufyrirtækja í Evrópu (sjá pdf að neðan).
Gagnrýni á vindorku er lýst sem falsskilaboðum og í mörgum tilvikum sem rússneskum áróðri. Margar af þeim fullyrðingum sem eru taldar villandi eru atriði sem lengi hafa verið rædd opinberlega – meðal annars óheyrilegur kostnaður og taprekstur vindmylla, tæknivandamál og staðbundin andstaða íbúa þar sem vindorkuver eru reist.
Ríkisútvarp Svíþjóðar, Sveriges Radio, SR, greinir frá því að Svíþjóð skeri sig úr í Evrópu með mikilli útbreiðslu svokallaðra „falskra skilaboða“ um vindorku. Að baki greiningunni stendur vindorkubransinn sjálfur í gegnum WindEurope.
Í skýrslunni er gagnrýni á áhrif vindorku á heilsu, umhverfi og efnahagslíf talin hluti af „vindorkufóbíu.“ Slík skilaboð eru tengd meintum hópum „rússavina.“
Fullyrðing um „ranga“ gagnrýni dregin í efa
Ein meginfullyrðing skýrslunnar er að gagnrýni um að vindorka sé dýr, tæknilega veik eða efnahagslega vandasöm sé oftast „villandi.“
Í Svíþjóð liggja fyrir opinberar rannsóknir á vindorkubransanum, þar sem komist var að þeirri niðurstöðu að það væri ógjörningur að reka flest allar vindmyllur með hagnaði. Mörg vindorkufyrirtæki eru í bullandi tapi, sum hafa farið á hausinn og sveitarfélög skuldsett upp yfir höduðið. Niðurstaða skýrslunnar er að efnahagsleg gagnrýni „sé í sjálfu sér röng.“
Rússum er kennt um misheppnaða orkustefnu ESB, WEF og Kína fyrir Vesturlönd, þótt vindorkuvíkingar græði á tá og fingri með ránshendi í vasa skattgreiðenda. Almenningur er látinn sitja uppi með tapið af misheppnuðum orkuaðgerðum og rafmagnsverð og grænir skattar hækka stöðugt. Úkraínustríðið er notað til að koma á ritskoðun, þá má ekki orðið anda á þetta fólk sem krefst einkaréttar á sjálfu sér til að kúga jarðarbúa. Fasisminn vex eins og þessi skýrsla ber með sér.
Úrdráttur úr skýrslunni:
„Rangfærslur og villandi upplýsingar hafa þróast yfir í kerfisbundna áhættu fyrir öryggi Evrópu, samkeppnishæfni og getu hennar til að bregðast við. Samhæfðar rangar og villandi frásagnir skekkja opinbera umræðu, grafa undan trausti á lýðræðislegri ákvarðanatöku og tefja innleiðingu innlendrar, hagkvæmrar orku á tímum þegar Evrópa þarfnast hennar brýnna en nokkru sinni.
Þessi skýrsla sýnir hvernig stórt og vel skipulagt vistkerfi vinnur markvisst að því að grafa undan orkuumræðu Evrópu. Á samfélagsmiðlum dreifa andstæðingar vindorku síendurteknum goðsögnum um meint áhrif hennar á heilsu, umhverfi og efnahag og ná til milljóna Evrópubúa. Þessar frásagnir eru magnaðar upp af reikniritum vettvanganna sem umbuna ótta og reiði. Enn alvarlegra er að villandi framsetning smitast yfir í hluta meginstraumsmiðla og fær þannig aukið lögmæti og útbreiðslu rangra fullyrðinga.
Þetta hefur alvarlegar afleiðingar í raunheimum. Rangfærslur og villandi upplýsingar grafa undan fyrirsjáanleika í atvinnulífi, auka fjárfestingaráhættu og lama pólitíska ákvarðanatöku. Um alla Evrópu hafa vindorkuverkefni að verðmæti milljarða evra tafist eða verið felld niður í kjölfar herferða sem byggja á ýktum eða röngum fullyrðingum. Afleiðingar þess að byggja ekki þessi vindorkuver eru: hærra raforkuverð fyrir neytendur, tap á störfum, veikara virðiskeðjur í iðnaði og hægari umskipti frá innfluttum jarðefnaeldsneytum.
Skýrslan setur fram þrjár meginráðleggingar til stefnumótenda til að bregðast við rangfærslum og villandi upplýsingum um vindorku:
Tryggja að samfélagsmiðlar axli ábyrgð á rangfærslum og villandi upplýsingum.
Samfélagsmiðlar hafa orðið aðal vettvangurinn þar sem rangar og villandi frásagnir um vindorku dreifast í stórum stíl, með vaxandi áhrifum á lýðræðislegt þol og öryggi Evrópu. Evrópusambandið og aðildarríkin verða að efla samhæfðar aðgerðir til að tryggja að upplýsingaumhverfi á netinu styðji við staðreyndamiðaða umræðu, meðal annars með því að bregðast við erlendum afskiptum sem beinast að vindorku.
Bregðast við skýru umboði almennings til að innleiða endurnýjanlega orku í stórum stíl.
Evrópubúar styðja yfirgnæfandi sterkari aðgerðir ESB í þágu endurnýjanlegrar orku, sem veitir stefnumótendum skýrt umboð til að leiða. Á tímum samhliða orkukreppu, samkeppniskreppu og loftslagsvanda er þörf á afgerandi aðgerðum til að losa um fjárfestingar, lækka kostnað og styrkja stuðning almennings með öruggara og seigara orkukerfi.
Efla miðlalæsi og stafrænt læsi til að byggja upp langtímaþol.
Fjárfesting í miðla- og stafrænu læsi frá unga aldri er nauðsynleg til að hjálpa borgurum að greina misvísandi áhrif og rangfærslur. Aðildarríkin ættu að innleiða að fullu aðgerðaáætlun ESB um stafræna menntun til að styrkja þekkingu á orku- og loftslagsmálum um alla Evrópu.“