Evrópusambandið og valdaelítan í Evrópu er orðin eins og sirkus hoppandi og skoppandi trúða sem faðma og dýrka yfirtrúðinn Zelensky. Það segir Lars Bern í nýjum heimsmálaþætti Swebbtv (sjá að neðan). Fjölmiðlarnir dansa með í darraðardansinum. Ekkert af vitrænu innihaldi er eftir. Núna þegar loftslagssvindlið er á fallandi fæti er stríðshysterían notuð til að blekkja almenning. Lars Bern segir: „Báðar þessar leiðir verða líklega reyndar til þaula. Evrópa er þegar orðin gjaldþrota á þessum fjandans loftslagsfasisma.“Lars Bern tjáir sig meðal annars um áform ESB um uppfærslu vopna upp á 9.000 milljarða sænskra skróna.
Til umræðu er hervæðing Evrópusambandsins fyrir 117.512.000.000.000 krónur (eitt hundrað sautján þúsund fimm hundruð og tólf milljarðar íslenskar krónur, meira en samanlögð fjárlög íslenska ríkisins í 90 ár miðað við 2024). Taka á lán fyrir heimsstyrjöldinni. Að sögn Lars Bern er þetta ekki mjög raunhæft í reynd. Vegna þess að þetta snýst ekki um peninga heldur iðnaðargetu.
Hann segir ESB, fjölmiðla og valdaelítu Evrópu vera eins og sirkus. ESB-þingið er bara lýðræðisleg leiktjöld:
„Það gefur gefur í skyn hversu allt er lýðræðislegt sem það er ekki lengur. Það er sífellt verið að skera niður og draga úr lýðræðinu.“
Stjórnmálamennirnir elska að hanga saman, knúsa og kjassa hvern annan fyrir framan myndavélarnar
„Þetta er sirkus, þetta er sirkussýning. Það er ekkert vitrænt innihald í þessum fréttum lengur. Við fáum fréttatíma þar sem ríkissjónvarpið SVT fylgist með í tíu mínútur hvernig þessir trúðar hlaupa fram og til baka, faðmast og kyssast og hanga saman. Það gera þeir í hverri viku nú orðið. Hér sjáum við mikla skýringu á því, hvernig stjórnmálamenn okkar starfa. Það er auðvitað afskaplega gaman að vera með í þessum sirkus. Þannig að enginn vill hætta.“
„Það er einkennilegt að hetjan mikla er algjör trúður. Zelensky, en þetta er starfið hans.“
Í raunveruleikanum hefur kannski ein milljón úkraínskra hermanna fallið í staðgengilsstríðinu gegn Rússlandi, mannslífum sem hefði verið hægt að bjarga ef Úkraína hefði staðið við friðarsamkomulagið frá 2022.
Algjör brandari að halda að þessi sirkus með sirkusprinsessunni von der Leyen í fararbroddi muni geta unnið stríð gegn Rússlandi
Lars heldur áfram:
„Þetta er allt svo svakalegt. Og að trúa því að þessi sirkus með sirkusprinsessunni von der Leyen í fararbroddi muni geta unnið stríð gegn Rússlandi. Það er algjör brandari.
„Svo hvað verður um þessa 9.000 milljarða sænskra króna sem þeir ætla að raka saman og leggja sem skuldahlekki á íbúa Evrópu?… Ef þeir ætla að fá einhver vopn yfirleitt, hvaða vopn sem er, þá neyðast þeir til að kaupa mjög stóran hluta þeirra af Trump.“
En mun ESB reyna að nota stríðið og hervæðinguna sem tæki valdsins gegn fólkinu í stað loftslagssvikanna sem algjörlega hafa klúðrast?
„Þeir munu líklega reyna bæði og. Evrópa hefur nú þegar eyðilagt sjálfa sig með þessum fjandans loftslagsfasisma. Þetta mun ekki gera hlutina betri. Ástandið mun bara versna. Þetta þýðir að engin úrræði verða eftir fyrir almenning. Að lokum mun það leiða til pólitískra umbrota – í hverju landinu á fætur öðru.“
Hlýða má á viðtalið á sænsku hér að neðan:
