Gústaf Níelsson skrifar á Facebook, að í Mogga dagsins sé mjög áhugaverð frétt um þjóðkirkjuna, en þar segir meðal annars:
„Ýmsar breytingar eru til umræðu og sagði biskup í setningarræðu að unnið hefði verið gríðarlega mikið starf og að baki liggi mikil guðfræðileg vinna auk þess sem nefndin tekur tillit til kröfu nútímasamfélags um að talað sé mál allra kynja í þjóðkirkjunni.“
Gústaf Níelson skrifar:
„Það er greinilegt að ég bý ekki í sama „nútímaþjóðfélagi“ og biskupinn, en mér þætti vænt um að hann segði mér hve mörg kynin eru. Annars verð ég bara að trúa hæstarétti Bretlands um það að þau séu aðeins tvö, karl og kona.“
Biskupinn búinn að týna Guði
Fyrst biskup Íslands er komin út á veg fjölkynjatrúar er ekki úr vegi að rifja upp hvað kristinfræðin segir um kynin. Ef biskupinn les eftirfarandi á hverju kvöldi komandi misseri, þá kannski fæðist ljós í kynlega myrkrinu:
„Guð sagði: „Vér viljum gjöra manninn eftir vorri mynd, líkan oss, og hann skal drottna yfir fiskum sjávarins og yfir fuglum loftsins og yfir fénaðinum og yfir villidýrunum og yfir öllum skriðkvikindum, sem skríða á jörðinni.“
Og Guð skapaði manninn eftir sinni mynd, hann skapaði hann eftir Guðs mynd, hann skapaði þau karl og konu.
Og Guð blessaði þau, og Guð sagði við þau: „Verið frjósöm, margfaldist og uppfyllið jörðina og gjörið ykkur hana undirgefna og drottnið yfir fiskum sjávarins og yfir fuglum loftsins og yfir öllum dýrum, sem hrærast á jörðinni.“
Og Guð sagði: „Sjá, ég gef ykkur alls konar sáðberandi jurtir á allri jörðinni og alls konar tré, sem bera ávöxtu með sæði í. Það sé ykkur til fæðu.
Og öllum villidýrum og öllum fuglum loftsins og öllum skriðkvikindum á jörðinni, öllu því, sem hefir lifandi sál, gef ég öll grös og jurtir til fæðu.“ Og það varð svo.
Og Guð leit allt, sem hann hafði gjört, og sjá, það var harla gott. Það varð kveld og það varð morgunn, hinn sjötti dagur.“