Douglas Macgregor lætur ekki deigan síga eftir að hafa valist til forystu í samtökunum Our Country – Our Choice, Land okkar – valkostur okkar. Hann safnar samlöndum saman sem vilja vernda stjórnarskrá Bandaríkjanna og efla Bandaríkjamenn og Bandaríkin á erfiðum tímum. Our Country – Our Choice er nafn á hreyfingu gegn ásælni alþjóðasinna og risafyrirtækja með ill markmið sem bitna á almenningi þar eins og á svo mörgum öðrum stöðum á Vesturlöndum um þessar mundir, Ísland ekki undanskilið.
Fundir eru haldnir til að ræða málin eins og til dæmis „Björgum lýðveldinu“ með þekktum fyrirlesurum fyrir utan Douglas Macgregor eins og Robert F. Kennedy yngri, Russel Brand, Jordan Peterson og Tulsi Gabbard. Umræður eru miklar fyrir vestan um framtíð lýðveldisins og spurningunni um hvað gerist, eftir forsetakosningarnar. Margir telja, að ef Bandaríkjamenn taki ekki í taumana og losi sig við alla þá spillingu sem hefur hreiðrað um sig í ríkiskerfinu eins og baneitruð naðra sem gengur undir nafninu djúpríkið, þá gætu Bandaríkin breyst í eins flokks einræði eins og sumir vilja meina að þegar hafi gerst í Kaliforníu.
Hreyfingin sem Macgregor stendur fyrir miðar að því að endurheimta og tryggja völd venjulegra Bandaríkjamanna yfir ákvörðunum stjórnvalda. Það verður einungis gert með því að vera virkur í baráttunni gegn spilltum stjórnmálamönnum hvar í flokki sem þeir standa og tryggja, að heiðarlegir stjórnmálamenn sem virða rétt kjósenda og tala þeirra máli komist til valdamikilla embætta ríkjanna og alríkisins.
Douglas Macgregor er reyndur bardagamaður, ofursti í hernum, og hefur skrifað a.m.k. fimm bækur um hernaðarmál sem eru víðlesnar og hafa haft áhrif á stefnu í hermálum víða um heim. Hann er virkur þátttakandi í umræðum samtímans og eftirsóttur í sjónvarpsþáttum, var lengi eftirsóttur hjá Fox News á meðan Tucker Carlson var í náðinni þar. Douglas Macgregor var hernaðarráðgjafi í ríkisstjórn Donald Trumps sem ekki fór í nein stríð eins og demókrata er ósiður.
Fimm punktar um markmið hreyfingarinnar Land okkar Valkostur okkar:
- Leitast við að vera ein þjóð með einn tilgang: velmegun heima og frið erlendis, með lögum sem er framfylgt, þar á meðal stjórnarskrá Bandaríkjanna og réttindaskrá.
- Krefjast þess að bandaríski herinn verji Bandaríkin og bandarísku þjóðina. Krefjast þess að Washington forðist átök við aðra nema ráðist sé á okkur sjálf.
- Byggja upp velmegun heima fyrir. Skila störfum og iðnaði til baka til Bandaríkjanna. Endurlífga orkugeirann. Ljúka stríðinu gegn jarðefnaeldsneyti. Stöðva innflytjendur þar til hver einasti Bandaríkjamaður sem getur unnið, hefur mannsæmandi vinnu á framfærslulaunum.
- Bindum endi á kynvæðingu barna okkar í skólum. Verndum okkar viðkvæmustu borgara. Þeir eru framtíðin.
- Krefjumst þess að skólar séu leið til atvinnu. Endurskoðum hvernig við menntum Bandaríkjamenn til framtíðar.
Hér að neðan má sjá nýjasta dæmi um þátt Douglas Macgregor til grasrótarinnar í hreyfingunni:
