Marks Carney, forsætisráðherra Kanada, fór í langþráða ferð til Peking, sem virtist einkennast af mikilli stefnubreytingu frá hefðbundnum bandalögum Kanada og í átt að dýpri samskiptum við kommúnistastjórn Kína. Carney virðist í mun að hefna sín á Bandaríkjastjórn og samkvæmt North Wave News, þá sleit Kanadastjórn samningaviðræðum um kaup á 88 bandarískum F-35 orustuþotum og ræðir núna við Svía um kaup á Gripen þotum í staðinn.
Carney fullyrti að heimsóknin væri nauðsynleg aðlögun að „nýrri heimsskipun“ og undirstrikaði vilja til að koma til móts við Peking og ýta Bandaríkjunum frá sér.
Forsætisráðherra Kanada hrósaði kínverska forsetanum Xi Jinping sem sínum „leiðtoga“ í opinberum ávarpi og vakti orðbragðið furðu bæði heima og erlendis. Að forsætisráðherra Kanada hrósi þjóðhöfðingja eins flokks einræðisríkis er meira en bara diplómatísk kurteisi, það lítur út fyrir að vera undirlægjuháttur.
Heimsóknin var sú fyrsta sem kanadískur forsætisráðherra hefur farið í til Kína í átta ár og kemur á sama tíma og samskiptin eru mjög spennt við Bandaríkin. Í stað þess að reyna að bæta tengslin við nánasta bandamann Kanada og stærsta viðskiptafélaga, þá virtist Carney ákafur að sýna Peking sem afgerandi valkost – sem lítur út fyrir að vera þrýstingur glóbalista á ríkisstjórn Trumps.
Í ræðu sinni á blaðamannafundi með kínverskum embættismönnum fagnaði Carney því sem hann kallaði „hraðar framfarir“ í samskiptum Kanada og Kína. Hann benti á samstarf á sviði orkumála, landbúnaðar, fjármála og svokallaðra milliliðasamskipta, og gaf í skyn að víðtæk endurskipulagning væri forgangsröðun Kanada í efnahagsmálum.
Ákall Carneys til „nýrar heimsskipunar“ var sérstaklega umdeilt. Þótt það hafi verið hlutlaust orðalag um alþjóðlega umbreytingu, þá bentu gagnrýnendur á að það endurspeglaði áætlun kínverska kommúnistaflokksins um heim sem væri minna tengdur vestrænum viðmiðum og lýðræðislegri ábyrgð.
Það þarf ekki að misskilja neitt, tímasetning ferðarinnar var engin tilviljun. Carney hefur ítrekað lýst því yfir að samband Kanada og Bandaríkjanna hafi orðið fyrir sögulegu rofi eftir viðskiptadeilur og orð Trumps forseta gagnvart Kanada.
Kínverskir ríkisfjölmiðlar litu á fund leiðtoganna sem gríðarlegan sigur Kína í utanríkismálum og nýttu að sjálfsögðu sérhvert augnablik til pólitísks áróðurs innan- sem utanlands. Fréttaskýringar lýstu Kanada sem landi sem leitar eftir „stefnumótandi sjálfstæði“ með því að draga úr tengslum sínum við Bandaríkin og falla í faðm Kína í staðinn.
