Danska bóluefnafyrirtækið Bavarian Nordics hefur þegar hagnast mikið á öllum hræðsluáróðrinum um yfirvofandi apabólufaraldur (Mpox). Glóbalistar eru bakhjarl Bavarian Nordics líkt og annarra lyfjarisa.
Hlutabréf Bavarian Nordics hafa hækkað mikið eftir tilkynningu WHO um heimsfaraldur apabólu. Bavarain Nordics er eini framleiðandinn á viðurkenndu bóluefni gegn mpox.
Allir stórir lyfjaframleiðendur eins og Pfizer, AstraZeneca og Moderna tengjast sterkum böndum við fjármálastjórn glóbalismans í hrægammasjóðum BlackRock og Vanguard.
Bavarian Nordics er ekki undanskilið og starfar með „alþjóðlegu bóluefnisbandalagi“ glóbalismans.
Alþjóða bóluefnabandalagið GAVI
Alþjóðaheilbrigðismálastofnunin WHO, UNICEF, ríkisstjórnir, Alþjóðabankinn, Smit og sjúkdómavarnarstofnun USA og Stofnun Bill & Melinda Gates starfa saman í alþjóða bóluefnabandalaginu GAVI „Global Alliance for Vaccines and Immunization.” Hlutverk bóluefnabandalagsins er að gera bóluefni aðgengileg fyrir almenning á fljótvirkan hátt vegna „heimsfaraldra.”
Myndað er samstarf við helstu aðila á heimsvísu sem er lýst sem samvinnu til að „koma í veg fyrir nýjan heimsfaraldur með fyrirbyggjandi bólusetningum.” Aðeins eftir smá sýkingu er sagt, að bóluefnin komi í veg fyrir nýjan heimsfaraldur, jafnvel þótt hætta á útbreiðslu á heimsvísu sé hverfandi lítil eða engin. Á heimasíðu GAVI má lesa nánar um samstarfsáætlanir bóluefnabandalagsins.
Þrátt fyrir lágmarkshættu á að smit dreifist á heimsvísu panta ríkisstjórnir margra ríkja WHO mikið magn af mpox bóluefni sem á að nota til að „bólusetja allan íbúa í forvarnarskyni.”
Bill Gates, GAVI og World Economic Forum
Bill & Melinda Gates Foundation stofnuðu bóluefnabandalagið GAVI sem hefur fengið um 4,1 milljarð dollara fram að þessu frá stofnuninni. Fjármálarisinn og bóluefnafjárfestirinn Bill Gates er í forystu fjárfestinganna.
GAVI tengist beint World Economic Forum, WEF, fulltrúar bandalagsins skrifa m.a. greinar á heimasíðu WEF.
Bavarian Nordic í hringabandalagi Bill Gates
Skipulagt er samstarf og samningar við stóra aðila á heimsvísu til að framkvæma fjöldabólusetningar.
Bavarian Nordic er hluti af slíku stórverkefni gegnum samstarf við GAVI. Samningar hafa meðal annars verið gerðir við BARDA „U.S. Biomedical Advanced Research and Development Authority.” Samningar eru gerðir við CDC, WHO, stjórnvöld og stofnanir í gegnum GAVI.
Hringamyndun
Að bóluefnafyrirtæki eins og danska Bavarian Nordic er hluti af „bandalagi“ með aðilum eins og WHO (með vald til að lýsa yfir neyðarástandi á heimsvísu) og Bill Gates og WEF (sem vinna að aukinni stjórn á jarðarbúum) er hringamyndun, þar sem aðilar ganga saman og útiloka samkeppni frá aðilum utan hringsins.
WHO lýsir yfir alþjóðlegu „heilsuneyðarástandi,“ WEF samhæfir einkageirann (lyfjaiðnaðinn) og stjórnmálamenn sem kaupa inn bóluefni og lyf, sem þýðir beinan markað án samkeppni vegna yfirlýsts neyðarástands. Fyrirtækin geta síðan notað hluta hagnaðarins til að fjárfesta enn frekar í þessu alþjóða samstarfi.
Lyfjarisarnir rökuðu saman gríðarlegum hagnaði á meðan „Covid-faraldurinn” gekk yfir, þökk sé tilraunum stjórnmálamanna til að þvinga íbúana til að láta sprauta sig. Hvort sagan verði endurtekning með bóluefninu gegn Mpox kemur væntanlega í ljós innan tíðar.
