Pólskum kennurum er heimilt að kalla alla karlkyns nemendur „hann“ – jafnvel þótt að nemendur tækju upp á því að „skilgreina sig“ sem stúlkur. Þetta kemur fram í nýrri lögfræðirannsókn hugveitunnar Ordo Iuris.
Ný rannsókn á vegum lagastofnunarinnar Ordo Iuris í Póllandi hefur vakið umræðu með niðurstöðum sínum, að kennarar séu ekki skyldaðir til að nota svo kölluð kynstaðfestandi fornöfn fyrir nemendur sem skilgreina sig sem annað kyn en það sem kemur fram í opinberum skjölum.
Kennarar eiga að fylgja skráðu kyni fæðingarvottorðsins
Ordo Iuris skipa íhaldssamir lögfræðingar sem standa fyrir strangri lagatúlkun á stjórnarskránni í stað pólitískrar rétttrúnaðartúlkun vinstri manna í landinu sem hingað til hefur ekki borið neinn árangur.
Samkvæmt rannsókninni, sem ber titilinn „Þegar Katrín segist vera Tómas: Lagalegir þættir fornafnaárekstra í pólskum skólum,“ þá eiga kennarar að ávarpa nemendur út frá því kyni sem greint er frá í fæðingarvottorðum þeirra.
Í rannsókninni er lögð áhersla á að notkun fornafna sem samræmast opinberum gögnum sé jafnréttismál og því er haldið fram að ekki sé hægt að þvinga kennara til að nota nafn að eigin vali, þar sem það geti falið í sér brot á stjórnarskrárvörðu samvisku- og trúfrelsi kennarans.
Engin lagaleg skylda að hleypa karlmönnum inn á kvennaklósett
Ordo Iuris bendir einnig á að engin lagaleg skylda sé fyrir því, að það þurfi að útvega aðskilin salerni fyrir transfólk eða að leyfa strákum sem segjast vera stúlkur að nota kvennasalerni. Þessi niðurstaða er meðal annars byggð á byggingarreglugerð sem gerir einungis ráð fyrir tveimur kynbundnum salernum.
Rannsóknin varar einnig við því, að sumir nemendur kunni að misnota kynvitundarvandann til að fá eigin athygli eða ávinning í eigin þágu. Rannsóknin bendir einnig á leiðir fyrir kennara til að verja sig fyrir árásum vinnuveitenda, þegar kennarar kalla drengi drengi, eins og til dæmis að fara í mál gegn vinnuveitandanum.
Fræg varnargrein Ingu Sælands, formanns Flokks fólksins á Íslandi, fyrir konur sem neita að pissa standandi er því samkvæmt pólsku rannsókninni, í fullu samræmi við lögin.
Kannski ættu íslensk stjórnvöld frekar að fylgja pólsku stjórnarskránni en alræðissamningi ESB….
