Politico greinir frá því að á loftslagsráðstefnu SÞ, COP29, þá ræðir ESB um markmið fyrir „loftslagssjóð til fátæku landanna í heiminum“ upp á 200 – 300 milljarða dollara – árlega. Það eru 30 – 41 þúsund milljarðar íslenskra króna. ESB dælir 100 milljörðum dollara (um 14 þúsund milljörðum ísl kr.) árlega eins og stendur. Sameinuðu þjóðunum finnst 200 – 300 milljarða dollara árlega vera ölmusa. Samkvæmt „sérfræðingahóp“ SÞ þá þurfa „þróunarlöndin“ að Kína undanskildu, að fá 1.000 milljarða dollara árlega frá þeim „ríku.“ Ef SÞ fær fram vilja sínum þá þurfa „ríku löndin“ að greiða tæplega eitt hundruð fjárlög íslenska ríkisins á hverju einasta ári eða um 140 þúsund milljarða íslenskra króna!
Það er sem sagt verið að hóta með heimsendi á grunni koltvísýringsblekkingar nema að vestræni heimurinn ofurskattleggi einkaframtakið sem skapar verðmæti. Þetta eru gömul kommúnísk fræði og öfundsýki út í þá sem sjá fyrir sjálfum sér og skapa atvinnu sem aðrir geta fengið. Með þessari stefnu er grundvellinum kippt undan drifkrafti sjálfstæðrar athafnastefnu og atvinnurekstri og dauð hönd ríkisins látin lama allt einkaframtak.
Jafnaðarmenn nútímans eru kommúnistar í grænum klæðum
Þessar hugmyndir nútíma jafnaðarstefnu sýna hversu ótrúlega langt til vinstri sósíaldemókratisminn hefur þróast. Jafnaðarmenn nútímans eru í sporum bolsévíka og kommúnísku alþjóðahreyfingarinnar Komintern á dögum Lenín og Stalíns. Fulltrúar þessarar stefnu á Íslandi eru fremst Samfylkingin* og Viðreisn, Píratar og Vinstri grænir.
Hvernig allir þessir fjármunir sem verið er að heimta með frekju af þróuðu löndunum eiga að leysa loftslagsvandann er óskýrt, engar nákvæmar áætlanir fylgja kröfunum. Það sem hins vegar er enginn skortur á er víðtæk spilling hjá viðkomandi stofnunum eins og SÞ og WHO. Hversu mikill hluti „aðstoðarinnar“ til vanþróuðu ríkjanna kemst til skila veit enginn en vitað er, að mikill hluti peninganna endar oft í vösum spilltra einstaklinga.
Gríðarlegur fjármagnsflutningur frá skattgreiðendum Vesturlanda
Í raun eru Sameinuðu þjóðirnar að nota kenninguna um „hamfarahlýnun“ sem aðferð til að setja vanþróuð ríki á fjárlög vestrænna ríkja. Sem þýðir að þeir sem vinna og halda velferðarkerfum vestrænna ríkja gangandi eiga líka að vinna fyrir spillt lönd í Miðausturlöndum og Afríku. Hér er um beinan þjófnað að ræða sem falinn er á bak við lygar um loftslagsbreytingar. Peningum er stolið frá skattgreiðendum á Vesturlöndum og fluttir í vasa glóbalizta í nafni grænu trúarbragðanna. Almenningur hefur hvorki verið spurður né gefið sitt leyfi fyrir slíkum fjármagnsfærslum. Þetta er greinilega einn þátturinn í að eyðileggja þjóðríkin svo Sameinuðu þjóðirnar geti myndað eina miðstjórn að hætti kommúnismans yfir öllum jarðarbúum.
* Samfylkingin vill til að mynda drepa dugmesta fiskiðnað í heimi, íslenska sjávarútveginn með yfirgengilegum sköttum sem þeir reyna að fela á bak við orðið auðlindagjald. Þessir flokkar standa allir þétt með ESB og SÞ og ganga erinda glóbalizmans á Íslandi samanber nýtt starf Katrínar Jakobsdóttur hjá WHO.
