Eldri skýrsla Sameinuðu þjóðanna frá árinu 2000 (sjá pdf að neðan) leggur til hrikalega áætlum um að skipta um íbúa Evrópu. Þetta sannar það sem gagnrýnendur hömlulausra fólksinnflutninga hafa lengi bent á. Zaltan Kovacs, alþjóðlegur talsmaður ungversku ríkisstjórnarinnar, bendir á þessa gömlu skýrslu SÞ og segir allar sannanir vera á hreinu í þessari gömlu skýrslu og skrifar á X (sjá að neðan) að enginn þurfi að leita lengra að frekari sannana fyrir því sem hefur „kraumað að tjaldabaki í áratugi – þökk sé Soros og vinstrisinnuðum, frjálslyndum, alþjóðlegum skósveinum hans.“
Jafnaðarmenn sem eiginlega væri réttara að kalla Ójafnaðarmenn básúna stöðugt út áróðrinum um ellikreppu aðildarríkja ESB. En í stað þess að hvetja Evrópubúa til að eignast fleiri börn sem er sú leið sem Ungverjaland hefur farið, þá hefur sú stefna verið valin að innflytjendur eigi að taka yfir Evrópu til að tryggja afkomu íbúanna í framtíðinni.
„Einkum og sér í lagi umskipta-fólksflutningar“
Zoltan Kovacs endurbirtir fólksumskiptaskýrslu Sameinuðu þjóðanna frá 2000 en í lokaorðum skýrslunnar á síðu 95 segir hvernig eigi að mæta fjölgun ellilífeyrisþega og fækkun barneigna í Evrópu:
„Þessar nýju áskoranir sem fækkun og öldrun íbúa hefur í för með sér mun krefjast hlutlægs, ítarlegs og yfirgripsmikils endurmats á mörgum rótgrónum efnahagslegum, félagslegum og pólitískum stefnum og áætlunum. Slíkt endurmat þarf að taka til langtímasjónarmiða. Afgerandi atriði sem taka ber fyrir í þessu endurmati eru meðal annars: (a) viðeigandi aldur fyrir starfslok; (b) stig, gerðir og eðli eftirlauna- og heilsugæslubóta fyrir aldraða; c) þátttaka vinnuafls; d) fjárhæðir framlaga frá launþegum og vinnuveitendum til að standa undir starfslokum og heilsugæslubótum fyrir stækkandi hóp aldraðra; og (e) stefnur og áætlanir sem tengjast alþjóðlegum fólksflutningum einkum og sér í lagi umskipta-fólksflutningum svo og aðlögun mikils fjölda nýrra innflytjenda og afkomenda þeirra.“ (feitletur Þjóðólfs).
Zoltan Kovacs bendir á að stefnumótun SÞ með fjöldainnflutningi í stað barneigna staðfesti það sem gagnrýnendur fjöldainnflutnings hafi sagt í mörg ár: Verið er að skipta út íbúum í Evrópu og Bandaríkjunum með hundruð milljónum innflytjenda. Kovacs fer heldur ekki dult með það, að fjármálajöfurinn George Soros var og hefur verið helsti hvatamaður þessarar umskiptastefnu sem heimskir stjórnmálamenn Vesturlanda hafa gleypt með húð og hári.
Íbúaskiptastefna SÞ hefur mistekist herfilega og er jarðarbúum dýr
Fyrir Kovacs er þetta mikilvæg sönnun þess að andstæðingar hömlulausra fólksinnflutninga hafi haft rétt fyrir sér. Þetta á ekki síst við um ungversk stjórnvöld sem hafa mótmælt harðlega öllum tilraunum Evrópusambandsins til að þröngva fjöldainnflytjendum á landið. Ungverjaland hefur neitað að opna landamæri sín fyrir innflytjendastraumum og hefur í staðinn komið með fjölskylduáætlanir sem hvetja til og verðlauna fjölgun barneigna í landinu. Fyrir það hefur ESB ítrekað ráðist á Ungverjaland.
Að Zultan Kovacs endurbirti skýrslu SÞ er liður í þeirri gagnrýni sem segir að þessi áætlun glóbalizta hafi gjörsamlega mistekist. Hann nefnir Donald Trump forseta Bandaríkjanna, Viktor Orbán forsætisráðherra Ungverjalands, þýska flokkinn Valkost fyrir Þýskaland AfD, flokk föðurlandsvina á ESB-þinginu „Patriots for Europe“ og Elon Musk sem dæmi um stjórnmálamenn sem eru andvígir íbúaskiptunum.
🔎 If anyone needed more proof of what’s been simmering in the shadows for decades—courtesy of Soros and his leftist-liberal-globalist lackeys—look no further.
— Zoltan Kovacs (@zoltanspox) February 4, 2025
📝 A 177-page @UN study from 2000 on “Replacement Migration” (let those words sink in) has resurfaced, arguing that… pic.twitter.com/i7iU3KpFiv
Hér að neðan er skýrsla Sameinuðu þjóðanna „Replacement migration“ um mikilvægi þess að skipta út íbúum með fólksinnflutningi í stað aukinna barneigna:
