Á undanförnum árum hafa alls kyns síendurteknar hamfarafréttir dunið á fólki og hræðsluáróðurinn um sífellt nýjar stórhættulegar veirur verið básúnað út um allar jarðir. Svína- og fuglaflensa, Sars-Covid-Omicron-Delta-XBB-apaveira….. og guð veit hvaða nöfn sem alþjóðabrúðurnar skíra þessar sífellt nýju og enn þá dauðlegri veirur sem okkur er sagt að muni drepið okkur nema að við stöndum og sitjum eins og alþjóðasinnarnir segja okkur að gera.
Núna hefur enn ein lygaskýrslan séð dagsins ljós og í henni er bent á fjóra mikilvæga grundvallarþætti í uppskrift að næsta fullkomna framtíðarfaraldri. Einn af þeim þáttum er, að fólk trúir ekki á delluna lengur og efast um „staðreyndir“ sérfræðinganna. Hugsa sér, ef einhver er ekki sammála yfirvöldum, þá verður útbreiðsla dauðlegra veirusjúkdóma viðkomandi að kenna. Eitt af mikilvægustu verkefnum WHO er því að koma í veg fyrir orð slíkra fávita með ritskoðun og spyrna á þann hátt gegn útbreiðslu næsta heimsfaraldurs!
„Global Preparedness Monitoring Board, GPMB“ sem er staðsett í Sviss birtir árlega skýrslu um hættuna á nýjum heimsfaraldri. Núna er útgáfa ársins komin (sjá pdf að neðan) og þar bendir stofnunin á fjóra fyrirliggjandi þætti sem skapa grundvöllinn að nýjum heimsfaraldri.
Stofnunin lýsir sjálfri sér sem eftirlitsstofnun sem fylgist með sýkingum sem geta leitt til heimsfaraldurs. Stofnunin var sett á fót 2018 og er í tengslum við World Economic Forum, WEF og milljarðamæringinn og bóluefnarisans Bill Gates. Dr. Chris Elias situr í stjórn GPMB sem einnig er hluti af stofnun Bill og Melinda Gates sem græðir fé á fjöldabólusetningum.
Fjórir þættir skýrslunnar:
- Hreyfing á heimsvísu (sýkingar geta breiðst mjög auðveldlega milli landa)
- Dýrahald (vísar til fullyrðinga um að covid hafi orðið til á dýramarkaði í Wuhan en ekki á rannsóknarstofu)
- Samsæriskenningar á samfélagsmiðlum (sönnunargögn sem stangast á við „staðreyndir rétttrúnaðarins“ er vísað frá sem „fölskum“ og/eða „samsæriskenningum“)
- Skortur á trausti
Nýja veirubiblían
Í Svíþjóð er efni skýrslunnar dreift gagnrýnislaust af miðlum eins og Aftonbladet sem tók viðtal við Magnus Gisslén sóttvarnalækni ríkisins. Gisslén heldur því fram að gagnrýni á þvingandi takmarkanir yfirvalda muni greiða fyrir útbreiðslu hættulegra sjúkdóma. Hann sagði:
„Allir þessir þættir auka hættu á útbreiðslu nýrra smitefna. Rangar upplýsingar og samsæriskenningar geta breiðst hratt út nú á dögum og ef nýr heimsfaraldur kemur upp geta rangar upplýsingar verið mjög hættulegar. Þær geta valdið því að sumir fara ekki eftir opinberum ráðleggingum og takmörkunum, vegna þess að þeir trúa ekki upplýsingum frá stofnunum og yfirvöldum.“
Að sjálfsögðu minnist enginn á það frekar en fyrri daginn, að mikið af þeim ráðleggingum og takmörkunum sem þvingað var á fólk í Covid-19 studdust ekki við nein vísindi. Andlitsgrímur vernduðu ekki fólk eins og sagt var í byrjun, þegar fólk var skikkað til að nota andlitsgrímur. Árásir á viðskiptalífið með umfangsmiklum lokunum áttu heldur ekki þátt í að takmarka útbreiðslu smits. Til og með Anthony Fauci hefur viðurkennt það í yfirheyrslu á Bandaríkjaþingi.
Ríkið stækkaði valdsviðið og skatthirslur almennings tæmdar í þágu lyfjarisa
Að lýðheilsuyfirvöld Svíþjóðar fylgdu ekki jafn harkalega eftir með lokunum og mörg önnur lönd gerðu var vegna skorts á vísindalegum gögnum um fullkomin einangrun myndi skila árangri. Þetta var gagnrýnt og því hefur núverandi ríkisstjórn veitt heimild til að Svíum verði settar ýmsar hömlur, jafnvel þótt engar vísindalegar sannanir styðji þær.
Á sama tíma þýddi Covid að margir áttuðu sig á þeim leik sem fór fram á bak við tjöldin. Ron Johnson hélt nýlega málstofu um reynsluna af Covid-19 (hver ætlar að halda slíkt málþing á Íslandi?) og sagði að meðhöndlun Covid hafi eingöngu snúist um að styrkja völd ríkisins og stjórnmálaelítunnar. Frelsi einstaklinga var skert og bæði samfélög og einstaklingar urðu fyrir miklu tjóni. Þeir sem græddu á aðgerðunum voru hins vegar ríkið sem jók valdsvið sitt og einkarekin stórfyrirtæki sem græddu á tá og fingri á þvingaðri sölu bóluefna og lyfja. Peningar úr fjárhirslum skattgreiðenda fóru beint í vasa lyfjarisa í eigu alþjóðasinnanna.
