Alræðisdómari hæstaréttar Brasilíu er í pólitísku einkastríði gegn Elon Musk og reynir að eyðileggja viðskipti fyrirtækja hans í Brasilíu. Hann hefur bannað samfélagsmiðilinn X í Brasilíu og hótar öllum landsmönnum sektum á aðra milljón krónur íslenskar, sem skoða X í laumi með þar til gerðum forritum.
Elon Musk fer aðrar leiðir en forstjórar annarra netrisa sem fyrir löngu hafa selt sig til hnattræningjanna sem vilja ná alræðisvöldum yfir öllum jarðarbúum. Musk lætur ekki múta sér. Hann hefur prinsíp. Málfrelsi. Réttindi einstaklingsins. Þess vegna framkvæmir hann ekki ritskoðun eins og Facebook og Twitter forðum.
Musk neitaði að verða við kröfu Alexandre de Moraes, hæstaréttardómara, um að ritskoða reikninga stjórnmálaandstæðinga Moraes og glæpamannsins Lulu sem Moraes leysti úr fangelsi til að geta tekið völd með kosningasvindli í Brasilíu.
Musk líkir Alexandre de Moraes, hæstaréttardómara í Brasilíu, við vondu vofuna Voldemort í ævintýrum Harry Potters. Mynd: Alexandre de Moraes/Wikipedia CC 3.0)
„Hélt aldrei að þetta gæti gerst í Brasilíu“
Reiðarslagið gegn tjáningarfrelsi Brasilíu fellur ekki í góðan jarðveg hjá brasilísku þjóðinni, að því er The Independent greinir frá. Margir segja frá því, að þeir hafi algjörlega misst tengslin við umheiminn þar sem X hafi verið aðaluppspretta frétta og umfjöllun um málefni í heiminum. Margir sjá líka mikil líkindi með Brasilíu og því sem gerist í einræðisríkjum. Maurício Santoro, prófessor í stjórnmálafræði við ríkisháskólann í Rio de Janeiro, segir við The Independent:
„Ég hef notað VPN* mikið í einræðisríkjum eins og Kína til hafa áfram aðgang að fréttasíðum og samfélagsnetum. Það hvarflaði aldrei að mér að þessi tegund verkfæra yrði bannað í Brasilíu. Það er sannarlega ömurlegt.“
* VPN = Virtual private network er forrit sem dylur einkennistölu tölvu, þannig að hægt er að sjá fleiri síður á Internet, þar á meðal síður sem yfirvöld banna.
Orwell hafði á réttu að standa
Einn sem hefur talsvert harðari tón er þingmaðurinn Nikolas Ferreira, einn af íhaldssamum þingmönnum fyrrverandi forseta Jair Bolsonaro. Í einni færslu á X (sjá að neðan) gerir hann samanburð á einræðisríkjum kommúnismans og dökkri mynd breska rithöfundinn George Orwell (höfundur 1984). Ferreira skrifar:
„Alræðismenn vilja breyta Brasilíu í enn eitt einræði kommúnismans, en við munum ekki víkja. Ég endurtek: Ekki kjósa þá sem virða ekki málfrelsi. Orwell hafði á réttu að standa.“
Ferreira segist ekki ætla að hætta að pósta á X, þótt hann eigi yfir höfði sér 9.000 dollara sekt og vísar til þess, að kjörstjórn geri það áfram.
„Fyrst þeir geta það, þá getum við gert það líka. Ógnarstjórn einræðisherrans Voldemort mun ekki vara að eilífu.“
Á X hrósar Elon Musk 18 ára gamalli stúlku, Ana Júlia Alves de Oliveira, sem segir að mjög fáir unglingar treysti hefðbundnum miðlum. Í staðinn noti þeir X. Henni finnst umheimurinn hafi horfið eftir að X var bannað. Elon Musk segir að „fólk eins og Ana er stórkostlegt.“
