Skipstjóranum Páli Steingrímssyni var byrluð ólyfjan á Akureyri í byrjun maí 2021. Hann var fluttur nær dauða en lífi til Reykjavíkur þar sem hann lá milli heims og helju vart hugað líf í þrjá daga á sjúkrahúsi. Síma hans var stolið á sjúkrabeði. Páll skipstjóri kærði atburðinn og hefur lögreglurannsókn á þessum alvarlega atburði staðið síðan. Páll Vilhjálmsson bloggari hefur verið ötull að upplýsa fólkið í landinu um þetta sorglega mál. Stolinn sími Páls skipstjóra var fluttur á RÚV og afritaður. Þremur vikum síðar birtist efnið sem RÚV afritaði úr síma Páls í Kjarnanum og Stundinni. RSK-miðlar kallar Páll þá.
Fimm blaðamenn á þessum fjölmiðlum hafa setið undir lögreglurannsókn ásamt andlega vanheilri konu sem var fengin til afbrota. Þjóðkunnir blaðamenn hafa hrakist af RÚV vegna hneykslismála: Þóra Arnórsdótttir, Helgi Seljan, Rakel Þorbergsóttir og Aðalsteinn Kjartansson, Þórður Snær Júlíusson ritstjóri Kjarnans. Það vakti mikla athygli þegar upplýstist við yfirheyrslur fyrir lögreglu aðild Þóru Arnórsdóttur. Mannlíf hefur verið ötult að upplýsa: „Stefán benti bara á Þóru,“ sagði Páll í samtali við Mannlíf, og vitnaði í útvarpstjóra sbr. netpóst eftir uppljóstranir. Byrlunarmálið er eitt mesta hneyksli vestrænna fjölmiðla á síðari tímum.
Páll skipstjóri átti ekki að vita
Samspil fréttamanna á RÚV, Kjarnanum og Stundinni gekk út frá því að Páll skipstjóri yrði grunlaus um að gögnin hefðu verið afrituð úr síma hans, til vara að ekki yrði hægt að rekja afritun símans. Lögreglustjórinn fyrrverandi, borgarritari og nú útvarpstjóri Stefán Eiríksson hefur öll þessi ár þagað og þaggað þetta mál og blekkt stjórn RÚV. Hann er nú að hætta. Pál skipstjóri var rægður, uppnefndur skæruliði Samherja.
Málið leikið blaðamenn grátt
Svívirðileg aðgerð þröngrar rúvískrar klíku hefur verið þöguð og þögguð í samfélagi okkar og leikið blaðamenn sem stétt afar grátt. Til þess að tryggja algera þögn og spillingu klíkunnar, flæmdi rúvarinn Sigríður Dögg Auðunsdóttir virtan formann og framkvæmdastjóra BÍ í áratugi, Hjálmar Jónsson úr embætti. Sigríður Dögg situr í stól formanns og Aðalsteinn Kjartansson varaformaður! Upplýst hefur verið um meinleg skattsvik Sigríðar Daggar sem var send í launalaust leyfi frá RÚV. Skúrkar hafa tekið yfir stéttarfélag blaðamanna. Blaðamannafélag Íslands er í trölla höndum.
Mesta aðför að fjölmiðlafrelsi á Íslandi
Ofan á þetta bætist samvinna blaðamanna og ríkisvalds um að blekkja þjóðina á covid-tímum sem nú heldur áfram. Þessi samvinna er mesta aðför að fjölmiðlafrelsi á Íslandi og Vesturlöndum. RÚV gerðist þátttakandi í alþjóðlegu svikaplotti “Trusted News Initiative“ samvinnu EBU, evrópskra ríkismiðla og amerískra meginmiðla og samfélagsmiðla um samvinnu um eina og sömu frétt á rauntíma; real-time dreift um öll Vesturlönd. Í kjölfarið hóf ríkið að dreifa ríkisfé til valdra fjölmiðla sem hafa gerst málpípur ríkisáróðurs.
Vestrænir fjölmiðlar uppspretta falsfrétta
RÚV er helsta uppspretta falsfrétta. Ný könnun Maskínu leiðir í ljós að fólkið í landinu er að átta sig á þessu. Sjö af hverjum tíu landsmönnum telja dreifingu falsfrétta áhyggjuefni. Klíkan reynir að kenna almenningi; fólkinu í landinu um “upplýsingaóreiðu“ en fjölmiðlar eru hinn raunverulegi sökudólgur. Þeir krefjast einkaréttar á fréttum og koma í veg fyrir upplýsta og frjálsa umræðu um fréttir í landinu, aðeins útvaldir eru leiddir að umræðuborðum. Þjóðin situr uppi með kjána eins og Eirík Bergmann, Silju Báru Ómarsdóttur, Friðjón Friðjónson og Torfa Túliníus sem öll syngja sama glóbalsönginn. Vandað fólk á annarri skoðun er útilokað. Leiða má líkur að því að helsta uppspretta “upplýsingaóreiðu“ séu falsfréttir RÚV & rest. Þetta er ekki hægt að skálda.
