Aðalbloggari landsins veltir fyrir sér að skipta um nafn og skrá sig sem Múhameð Vilhjálmsson í þjóðskrá

Páll Vilhjálmsson, blaðamaður og helsti bloggari landsmanna (skjáskot Dagmál Mbl).

Aðalbloggari Íslands, Páll Vilhjálmsson hefur lent í ýmsu einungis með því að vera trúr sannleikanum. Þjóðin á honum fremst að þakka uppljóstrun á gagnastuldi sem starfsmenn RÚV eru viðriðnir og höfðu næstum kostað einn mann lífið. Er það mál loksins komið inn á þing en of snemmt að fagna neinum árangri en krafan er opinber rannsókn á málinu og önnur krafa að stjórn RÚV og viðkomandi starfsmenn víki alla vega á meðan.

Páll Vilhjálmsson fjallar um mismunun á túlkun hatursorðræðu hjá lögregluyfirvöldum í Reykjavík og ber saman eigin reynslu, þegar hann fékk á sig ákæru frá lögreglustjóra við að gagnrýna transinnrætingu í leik- og grunnskólum. Nýlega vísaði lögreglustjórinn í Reykjavík frá kæru á hendur Ibaa Ben Hosheyeh fyrir að hvetja til dráps á Gyðingum en saksóknari gerði lögreglustjórann afturreka með þá ákvörðun samanber skrif Morgunblaðsins.

Páll Vilhjálmsson skrifar:

„Í viðtengdri frétt kemur fram að maður hér á landi, Ibaa Ben Hos­heyeh, hafi birtmynd af Face­book-síðu sinni þar sem hvatt er til drápa á gyðing­um hvar sem til þeirra næðist og lík þeirra sví­virt. Sagði hann þá af­kvæmi svína og apa ásamt því að ausa yfir þá sví­v­irðing­um af ýms­um toga.

Lögreglunni í Reykjavík datt ekki í hug að rannsaka til ákæru Ibaa Ben Hos­heyeh fyrir brot á gr. 233 a almennra hegningarlaga sem hljóðar svo:

Hver sem opinberlega hæðist að, rógber, smánar eða ógnar manni eða hópi manna með ummælum eða annars konar tjáningu, svo sem með myndum eða táknum, vegna þjóðernisuppruna eða þjóðlegs uppruna, litarháttar, kynþáttar, trúarbragða, fötlunar, kyneinkenna, kynhneigðar eða kynvitundar, eða breiðir slíkt út, skal sæta sektum eða fangelsi allt að 2 árum.

Tilfallandi þekkir vel til hvernig lögreglustjórinn í Reykjavík beitir umræddri lagagrein. Hann gagnrýndi transinnrætingu í leik- og grunnskólum og fékk óðara á sig ákæru frá lögreglustjóra höfuðborgarinnar. 

Gyðingahatur fyrir opnum tjöldum, manndrápshótanir og afmennskun, eru frjáls tjáning samkvæmt lögreglunni í Reykjavík. En vei þeim er andmæla transhugmyndafræðinni, þeir skulu sæta ákæru.

Tilfallandi veltir fyrir sér að skipta um nafn, skrá sig sem Múhameð Vilhjálmsson í þjóðskrá. Þannig er tryggð friðhelgi gagnvart valkvæðu ákæruvaldi lögreglunnar í Reykjavík.“

Það er illa komið ef nafnabreyting af því tagi sem Páll veltir fyrir sér verður leiðin til að komast hjá ákæru og sýnir mikinn túlkunarhalla á 233 gr. hegningarlaganna.