Chris Forsne, fyrrum þáttarstjórnandi SVT gagnrýnir lygi sænskra yfirvalda um yfirvofandi innrás Rússa í Svíþjóð.
Í nýjum þætti heimsmála hjá Swebbtv (sjá myndskeið að neðan), þá ræðir fyrrverandi þáttarstjórnandi sænska sjónvarpsins, Chris Forsne, við Mikael Willgert hjá Swebbtv um stríðsmóðursýki sænskra yfirvalda sem eru að láta undirbúa hálfa milljón grafreita fyrir Svía sem eiga að drepast í komandi stórstyrjöld við Rússa. Chris Forsne spyr: „Hver er það sem þarf virkilega að hafa áhyggjur af hernaðarárás? Svíþjóð eða Rússland?“ Hún bendir á að sögulega séð, þá séu það Rússar sem hafi frekar þurft að óttast árás frá Svíum en Svíar þurft að óttast árás frá Rússum.
Sænsk yfirvöld eru í móðursýkiskasti eftir inngönguna í Nató og vegna stríðsundirbúnings þriðju heimsstyrjaldarinnar gegn Rússum. Fyrir utan að hafa sent bæklinga á öll heimili í Svíþjóð, þar sem almenningur er beðinn um að undirbúa sig fyrir komandi stórstyrjöld, þá fyrirskipar ríkisstjórnin útfararstjórum landsins að gera grafreiti klára fyrir hálfa milljón Svía svo hægt verði að jarða þá í flýti þegar stríðið kemur.
Hvernig væri að gera ráðstafanir fyrir þá sem eru á lífi?
Mikael Willgert segir að undirbúningur yfirvalda fyrir lifandi Svía sé ábótavant:
„Það er ekkert að því að gera ráðstafanir fyrir þá látnu en verður ekki að fara að gera ráðstafanir fyrir þá sem lifa? Eftir því sem ég best veit, þá hefur sænska ríkisstjórnin ekki sýnt neitt frumkvæði í því, hvernig við eigum að tryggja aðgang að mat og eldsneyti ef landið lokast.“
Chris Forsne finnst ástandið vera enn þá verra. Hún telur sífelldan, áframhaldandi stríðsáróður byggjast á lygum og offorsi:
„Ég vil fara enn lengra aftur. Hver getur sannað fyrir mér að Rússar ætli sér að hefja árásarstríð gegn Svíþjóð? Eða er það Svíþjóð sem er að skipuleggja sóknarstríð gegn Rússlandi? Við höfum reynt það nokkrum sinnum í sögunni án árangurs. Það erum við sem höfum verið árásargjörn í garð Rússlands frekar en þau fáu strandhögg sem Rússar hafa gert nálægt Stokkhólmi.“
Stóra lygin: Rússar munu ráðast á Pólland, Svíþjóð og Frakkland eftir að þeir hafa hertekið Úkraínu
„Þetta er hin stóra, opinbera lygi sem dynur á okkur, að eftir að Rússar hafi hertekið Úkraínu, þá munu þeir halda áfram gegn Póllandi, Svíþjóð, Frakklandi. En á sama tíma þá sjáum við að Rússar halda sér að mestum hluta til í austurhluta Úkraínu; þeim stöðum þar sem íbúarnir eru flestir af rússneskum uppruna ásamt því að þeir vilja halda Krím.“
Að sögn Forsne hefur þetta allt gengið allt of langt.
