Jóhannes Loftsson verkfræðingur, formaður Frjálshyggjufélagsins og Ábyrgrar Framtíðar, hefur nýlega skrifað greinar um meðferð yfirvalda á Covid-faraldrinum sem hann ræðir um í nýjum viðtalsþætti hjá Þjóðólfi. Hér lýsir Jóhannes meðal annars aðdraganda bóluefnanna sem voru ekki bóluefni heldur genabreytandi meðferðarlyf. Hann segir frá mismun í afstöðu yfirvalda á Íslandi til vandans miðað við til dæmis lækna í Danmörku og Svíþjóð. Jóhannes er vægast sagt lítið hrifinn af frammistöðu yfirvalda á nýlegu málþingi, þar sem tímanum var valið í eins og hann kallar það: sjálfshól í vísindagæru. Slík samsetning mun á engan hátt leysa vanda þúsunda Íslendinga sem þjást af alvarlegum aukaverkunum eftir Covid-lyfjagjöf með sprautum. Jóhannes Loftsson er samt sem áður bjartsýnn og bendir á breytt viðhorf yfirvalda í Bandaríkjunum sem eru að ryðja sannleikanum farveg um það sem raunverulega gerðist í Covid.
Jóhannes segir að Covid-bóluefnin séu ólík öllum bóluefnum sem notuð hafa verið áður. Aðferðin kallaðist genameðferð, en í kófinu var skilgreiningu orðsins „bólusetning“ breytt svo farið var að kalla genameðferðina bólusetningu. Öfugt við það sem var lofað og venjan var með bóluefni hindruðu nýju mRNA-bóluefnin ekki smit og dreifðust um allan líkamann. Í æsingnum við að koma bóluefnunum á markað veitti Matvæla- og lyfjastofnun Bandaríkjanna, FDA, framleiðendum undanþágu á gæðaeftirliti sem síðar sýndi sig að leiddi til óhugnanlegra aukaverkana.
Venjulegum gæðakröfum vikið til hliðar fyrir mRNA
Jóhannes gagnrýnir hvernig yfirvöld Íslands stöðu að lokun hagkerfisins. Töluðu um að fletja út Covid-kúrfuna. Það eina sem var flatt út var hagkerfið með því að fórna heilferðamannasumri og telur Jóhannes tapið vegna þessa hafi verið allt að eitt þúsund milljarða króna. Bólusetningarnar voru notaðar til að réttlæta að hagkerfinu var lokað. Jóhannes gagnrýnir að gæðakröfum hafi verið vikið til hliðar við framleiðslu bóluefnanna og vísar til ÍSAGA þar sem krafist er rekjanleika við framleiðslu t.d. súrefnis og hægt að rekja gegnum allt ferlið í hvaða lotu einstakar vörur eru framleiddar. Það sama gildir um matvæli og lyf. Hann segir gæði bóluefnanna hafa verið menguð aukaefnum og að hreinleiki bóluefna hafi aðeins náð 55% í einstökum tilvikum. Jóhannes segir segir:
„Athygli vekur að nýlega hefur líka verið að finnast plasma-DNA í sprautunum. Þetta er mjög alvarlegt því DNA stökkbreytir genum. Í plasmanu fannst DNA-genaröð úr SV40-vírus, sem er þekktur sem líklegur krabbameinsvaldur. Upptaka krabbameinsvaldandi gena er stórslys, því það getur smitað kynslóðir. Það er ekki að ástæðulausu að DNA-meðferðir hafa ekki komist á flug.“
Jóhann skrifaði í einni greininni:
„Í nýlegri danskri rannsókn kom í ljós að 4,2% lota báru ábyrgð á 78% aukaverkana og í 30% lota voru fáar aukaverkanir tilkynntar. 117.991-faldur munur var á tíðni aukaverkana í bestu og verstu lotunum! Enn undarlegra var að engin eftirlitsmæling fannst fyrir loturnar án aukaverkana á meðan eftirlitsmælingar voru til fyrir allar lotur þar sem aukaverkanir mældust. Fékk fólk lyfleysu eða hafði bóluefnið breyst? Í þessu samhengi er athyglisvert að í vitnaleiðslum fyrir ástralskri þingnefnd viðurkenndi Pfizer að hafa haft sérvalda lotu fyrir eigin starfsmenn.“
Íslensk yfirvöld hunsuðu að rannsaka málið
Jóhannes greindi frá því að fyrir hálfu öðru ári síðan var helstu talsmönnum íslenskra heilbrigðisyfirvalda (þ.m.t. líklega landlækni) boðið á ráðstefnu erlendra sérfræðinga hér á landi um bóluefnaskaða, tengsl tilkynntra skaða við framleiðslulotur og tengt málefni. Þegar danskir sérfræðingar röktu að 78% aukaverkana voru vegna 5% bóluefnanna og 30% framleiðslulota höfðu engar aukaverkanir og báðu Íslendinga um samsvarandi íslensk gögn gripu þeir í tómt. Íslensk yfirvöld höfðu ekki sýnt þessum málum neinn áhuga og staðreyndir lágu ekki fyrir:
„Athygli vakti að enginn þeirra sem nú eru að tjá sig yfir stórkostlegum árangri á covid-tímanum þorði að mæta. Enginn í heilbrigðiskerfiselítunni er að leita að bóluefnaskaðanum!“
„Þetta er líklega ein mikilvægasta sem Íslendingar þurfa að átta sig á. Þegar kemur að gena-bóluefnaskaðanum þá er ENGINN sem vinnur fyrir kerfið að leita, þ.m.t. landlæknir, því kerfið mælti með sprautunni, kerfið lofaði að sprautan yrði skaðlaus, kerfið lofaði að það þyrfti bara eina sprautu og að sprautan hindraði smit. Enginn sem vill starfsframa innan kerfisins er að fara að taka niður þessar lygar.„
Óbólusettir ásakaðir um samsæriskenningar
Í tilefni 5 ára afmælis fyrsta Covid-smits á Íslandi stóðu „heilsan okkar“ fyrir málþingi 28. febrúar í ár um Covid-tímann undir yfirskriftinni „Bjargráð Íslands í heimsfaraldri.“
Jóhannes segir:
„Fyrirlesarar voru valdir læknar og embættismenn, talsmenn kerfisins og þemað í raun: Sjálfshól í vísindagæru sem líklega hefði verið meira viðeigandi titill viðburðarins.“
Jóhannes segir að sóttvarnalæknir hafi ásakað þá sem tóku ekki sprautuna og sagt það vera „áberandi en lítinn hóp fólks sem treysti ekki stjórnvöldum og trúði því að bóluefnin væru hættuleg og komu af stað samsæriskenningum.“
„Vá. Sóttvarnalæknir telur þá sem óttuðust aukaverkanir sprautanna samsæriskenningasmiði! Á 7. þúsund aukaverkana voru tilkynntar til lyfjastofnunar vegna sprautanna, voru það allt samsæriskenningar? Á þriðja þúsund eru í hópi kvenna með tíðatruflanir (og ófrjósemi) í kjölfar sprautu, þjást þær af samsæriskenningu? Sumir misstu lífsförunaut sinn daginn eftir sprautu og á elliheimilum varð sprenging í andlátum þegar vistmenn voru sprautaðir. Sóttvarnalæknir afgreiðir þjáningar þessa fólks sem samsæriskenningu.“
Tugir þúsunda Íslendinga þjást af einhverju formi aukaverkana
Jóhannes telur að tugir þúsunda Íslendinga þjást af einhverju formi aukaverkana eftir bólusetningarnar. Hann gagnrýndi að prófessor úr Háskóla Íslands hefði haldið því fram að lífaldur Íslendinga hefði lengst á Covid-tímanum sem sannaði, hvað Íslendingar hefðu staðið sig frábærlega með aðgerðum sínum í heimsfaraldrinum. Þegar nánar var að gáð var viðmiðunarár Covid tímans sem hann skoðaði ár 2021 eða árið áður en nær öll andlátin urðu! Tölur Eurostat sýna að Ísland kom verst allra evrópuþjóða út þegar andlátsárið 2022 er tekið með. Jóhannes segir þessa ráðstefnu hafa verið glórulausa halelújasamkomu embættismanna kerfisins í aðdáun hver á öðrum.
Jóhannes gagnrýnir „rannsóknir“ sem lyfjaframleiðendur sjálfir gera eða eru keyptar af samtökum eins og Bill & Melinda Gates sjóðnum. Jóhannes spyr:
„Hvernig væri nú að í stað þess að heilbrigðisyfirvöld á Íslandi reyni að þagga niður þjáningar samlanda sinna að þau hætti þessari afneitun og fari að skima sjúklinga eftir broddpróteinunum?“
Miðað við allt sjálfshólið í vísindagærunni er þó erfitt að sjá að það muni gerast í bráð. Eftir að íslensk yfirvöld höfðu hunsað vanda sprautuskaðaðra í 3 ár var í fyrra loks ákveðið að stofna heilbrigðisstofnun á Akureyri fyrir sjúklinga sem þjást af langvarandi Covid. Viðurkennt er að um 3-4000 einstaklingar þjáist af þessum sjúkdómi. En hvaða sjúkdómur er þetta? Jóhannes hefur skrifað greinar, þar sem hann telur að um aukaverkanir af bóluefnunum sé að ræða.
Hversu lengi getur lygin haldið áfram?
Er ekki páfagaukurinn löngu dauður?
Jóhannes gefur í einni grein sinni John Cleese orðið:
“Þessi páfagaukurinn er farinn. Hann er ekki lengur til. Hann er útrunninn og búinn að hitta skapara sinn. Hann er stirðnaður, líflaus og megi hann hvíla í friði. Ef þú hefðir ekki neglt hann fastan á stöngina í búrinu, væri hann fyrir löngu kominn undir græna torfu. Öll efnaskiptin eru hætt. Hann er allur. Hann hefur kvatt þennan líkama, dregið fyrir gardínurnar og er gengin í ósýnilega kórinn. Þetta er fyrrverandi páfagaukur. “