Uppgerður fréttaþáttur um apabólufaraldur á heimsvísu frá skálduðu rásinni „GNN“ – með sams konar merki og CNN. Innskotsmynd af dreng með apabólu.
- Í mars 2021 héldu samtökin „Nuclear Threat Initiative, NTI,“ í Washington æfingu, þar sem breytt apabóluveira dreifist um allan heim og leiðir til dauða hundruð milljón manna.
- Einn af aðalhvatamönnum NTI er margmilljarðamæringurinn Ted Turner, stofnandi CNN. Hann er meðal annars virkur í lítilli, lokaðri klíku sem kallast Góði Klúbburinn „The Good Club.“ Þar er hann í félagsskap alræmdra ofurglóbalista eins og Bill Gates, David Rockefeller og George Soros.
- Margir draga nú hliðstæður við þá alræmdu „Event 201 æfingu,“ þegar World Economic Forum og Bill & Melinda Gates Foundation héldu kórónufaraldursæfingu í New York í október 2019, mánuðum áður en tilkynnt var um Covið-19 faraldurinn í Wuhan í Kína.
Þann 6. maí tilkynnti Bretland, að breskur ríkisborgari sem heimsótti Lagos, höfuðborg Nígeríu, hefði smitast af apabóluveirunni. Á næstu vikum var tilkynnt um smit í nokkrum löndum um allan heim. Þann 19. maí var greint frá því að Svíþjóð hefði fengið sitt fyrsta smit staðfest.
Talið er að stór hluti þeirra sem smitast séu samkynhneigðir karlmenn. Veiran, sem uppgötvaðist árið 1958, dreifist meðal annars með munnvatni, saur og sáravökva. Flest áður skráð smit hafa byrjað í afrískum regnskógum, þar sem íbúar á staðnum hafa haft samskipti við sýkt dýr á ýmsan hátt.
Undanfarna daga hafa valdhafar í nokkrum löndum lýst því yfir, að eina ferðina enn verði gripið til aðgerða svipuðum og í Covid-faraldrinum. Í Belgíu hefur þegar verið ákveðin þriggja vikna skyldubundin sóttkví fyrir smitaða. Reiknað er með að veiran sé þegar komin í umferð meðal almennings. Belgísk yfirvöld búast við mörgum nýjum smitum á næstu vikum. Alþjóðaheilbrigðismálastofnunin lýsti snemma áhyggjum sínum af útbreiðslu veirunnar og hefur núna lýst yfir neyðarástandi og heimsfaraldri.
Æfing: Hundruð milljóna látnir
Hugveitan „Nuclear Threat Initiative“ virðast hafa haft góða fyrirvara um hvað var að gerast. Heimsfaraldursæfing var haldin á öryggisráðstefnu í München í mars 2021, þar sem æft var dreifing apabólusmits út um allan heim sem olli hundruðum milljóna dauðsfalla.
Veirufaraldurinn í æfingunni átti sér stað í maí 2022 með 1421 staðfest tilfelli og fjögur dauðsföll á fyrstu 20 dögum. Í atburðarásinni hélt veiran áfram að breiðast mjög hratt út á heimsvísu og eftir sex mánuði voru 83 lönd smituð, 70 milljónir dánartilfalla voru tilkynntar og 1,3 milljónir manna létust af völdum veirunnar. Ári síðar höfðu 480 milljónir smitast, 27 milljónir dáið og eftir 1,5 ár höfðu 3,2 milljarðar manna smitast af veirunni og 271 milljón manns látist!
Athyglisvert er að uppruni veirunnar í þessari æfingu var ekki eðlilegur heldur breytt veira, hryðjuverkaárás með það að markmiði að skapa hámarks smit og ónæmi gegn bóluefnum.
„Algjör tilviljun“
Sú staðreynd, að NTI skipulagði heimsfaraldursæfingu með ímyndaðan apabólufaraldur, sem átti sér stað nánast samtímis og raunverulegur faraldur átti sér stað í Afríku, fær marga til að lyfta augabrúnum. Hugveitan segir sjálf, að áhættan af apabóluveiru hafi verið „vel skjalfest í mörg ár af fjölda heilbrigðisyfirvalda.“ Bent er á, að faraldur hafi komið upp í Nígeríu árið 2017 og að Bandaríkin hafi áður talið að „alvarlega ógn“ gæti stafað að apabólu bæði hjá dýrum og mönnum.
Sú staðreynd að notast var við apabólu á æfingunni stafar að sögn NTI af því, að „sérfræðingar“ töldu að þessi veira „hentaði sérstaklega vel“ fyrir atburðarás þar sem áhersla er lögð á samræmdar alþjóðlegar ráðstafanir og að samþykktar verði „alþjóðlegar úrbætur til að koma í veg fyrir og bregðast við heimsfaraldri.“ Segja sérfræðingarnir að:
„Sú staðreynd að nokkur lönd upplifa apabóluveiru faraldur er algjör tilviljun.“
Hliðstæður gerðar við alræmda Covid-æfingu
Þett er ekki í fyrsta sinn sem slíkar „tilviljanir“ eiga sér stað. Sænski miðillinn Nya Dagbladet greindi frá í einni athyglisverðustu grein blaðsins frá upphafi, hvernig bandaríski milljarðamæringurinn og aðgerðasinninn Bill Gates skipulagði heimsfaraldursæfingu ásamt John Hopkins Center og World Economic Forum þar sem líkt var eftir alþjóðlegri útbreiðslu kórónuveiru, aðeins mánuðum áður en Covid-faraldurinn braust út.
The Nuclear Threat Initiative lýsir sér sem sjálfseignarstofnun sem vinnur að því að koma í veg fyrir „núverandi og framtíðar ógnir“ svo sem árásir og slys með ýmiss konar gereyðingarvopnum – þar á meðal efna- og líffræðilegum vopnum.
Staðreyndir um „Nuclear Threat Initiative“
NTI var stofnað árið 2001 af bandaríska öldungadeildarþingmanninum Sam Nunn og fjölmiðlakónginum Ted Turner sem stofnaði CNN. Turner er einnig þekktur fyrir að hafa skuldbundið milljarða af einkaeign sinni til að draga úr fólksfjölgun í heiminum.
Í stjórn NTI eru einnig aðrir áberandi einstaklingar eins og fyrrverandi sendiherra Bandaríkjanna, Jon M. Huntsman, Mike Mullen aðmíráll, sem áður var hernaðarráðgjafi George W. Bush og Barack Obama forseta, og Michael A. Peterson, sonur og erfingi Peter G. Peterson – fyrrverandi viðskiptaráðherra Bandaríkjanna og annars stofnanda fjármálafyrirtækisins Blackstone Group.
NTI vinnur með World Economic Forum. Sóttvarnalæknirinn John Brownstein er með í NTI. Hann var mikið notaður af fjölmiðlum sem sérfræðingur í læknisfræði á tímum Covid og vann Emmy fyrir þátttöku sína í heimildarmynd ABC um bóluefnalobbyista „The Shot: Race for the Vaccine.“ Einn helsti ráðgjafi NTI er kaupsýslumaðurinn Warren Buffett, einn ríkasti maður heims. Auk Buffetts eru einnig margir aðrir áhrifamenn úr alþjóðastjórnmálum og viðskiptalífi í röðum NTI.
