Nigel Farage, leiðtogi Umbótaflokksins, kynnir lausn á ofbeldisfullum mótmælum í Bretlandi. Ríkið verður að „stöðva allan fjöldainnflutning og hætta að mismuna hvítu fólki kerfisbundið.”
„Hvernig á að stöðva óeirðirnar“ er titill myndbands sem Nigel Farage birti á samfélagsmiðlum. Í myndbandinu talar Farage um kynþáttaóeirðirnar í Englandi og bendir á lausnir. Nú er það breskra valdhafa að skilja, að mjög stór hluti þjóðarinnar hafi fengið nóg:
„Það sem Keir Starmer skilur ekki, þegar hann segist ætla að „stöðva öfga-hægrið” er hin almenna óánægjutilfinning sem hefur vaxið hér á landi um árabil. Heil samfélög hafa verið rifin í sundur og fólk hefur upplifað hvernig miðbæir þeirra hafa breyst á þann hátt að þeir virðast ekki einu sinni vera „óljóst enskir.”
Féllu á kné fyrir marxistum
Nigel Farage vekur einnig spurningu um tvíhliða réttarfarsstefnu í Bretlandi, kerfið er umtalsvert harðara við hvíta en litaða. Hann ber saman hvernig komið er fram við þátttakendur í óeirðunum í dag við hvernig það var í „Black Lives Matter” óeirðunum árið 2020 þegar mikill múgur fór út á götur og vanhelgaði minnismerki breskrar sögu.
„Og hvernig brást lögreglan við? Þeir féllu á kné á götum úti fyrir marxískum samtökum sem vilja kollvarpa vestrænni siðmenningu.”
Farage dregur saman hvernig hann telur að meirihlutinn skynji ástandið:
„Flest okkar álíta, að þjóðernis minnihlutahópar séu meðhöndlaðir á allt annan hátt af réttarkerfinu en hvítir Bretar. Það er tilfinningin og ríkjandi skoðun hér á landi og staðreyndir styðja það.”
Tafarlaus stöðvun fjöldainnflutnings
Að sögn Farage væri hægt að stöðva óeirðirnar til skamms tíma til dæmis með því að kalla á herinn. En þá meðhöndlar maður bara einkennin – grunnvandinn verður enn óleystur og ofbeldið heldur áfram að blossa upp með reglulegu millibili. Bretland yrði þá eins og Frakkland er orðið. Nigel Farage bendir á lausn til að ráðast að rótum vandans:
„Ég held að við getum leyst vandamálið. Við verðum tafarlaust að stöðva fjöldainnflutninginn. Við þurfum að kalla saman alla lögreglustjórana víðs vegar um landið og segja þeim að byrja að meðhöndla alla eins.”
Hlýða má á ræðu Nigel Farages hér að neðan:
