„Útilokandi skilgreiningarvald“ notað í illvígu afbrigði litlu gulu hænunnar á Íslandi

Guðmundur Karl Snæbjörnsson, Kalli Snæ, berst ötullega gegn hugsunar- og siðleysi stjórnmálamanna í æðstu embættum ríkisins sem fylgja blint lyfjarisum heims og hernaðaryfirvöldum í Pentagon. Það kann að hrella marga, að uppruni svo kallaðs „bóluefnis“ gegn Covid-19 er í raun ættað úr ranni hernaðaryfirvalda í Bandaríkjunum og á ekkert skylt við bóluefni til að lækna fólk.

Kalli Snæ fer yfir reynslu sína af samskiptum við íslenska stjórnsýslu sem ýtt hefur læknavísindum út af borðinu og hefur samtryggingu sín á milli með því sem Kalli kallar „útilokandi skilgreiningarvald“ til að hindra tillögur byggðar á læknisfræðilegum grunni til að bjarga mannslífum. Samspillingin innan ríkisvaldsins hefur eigin aðferðir við að brjóta mannréttindi á venjulegum landsmönnum, sniðganga stjórnarskrá og lög og komast hjá allri ábyrgð.

Þetta er sagan um litlu gulu hænuna sem rýnt er í í smásjá en er af sömu stærðargráðu og himintungl og vetrarbrautir í fjarska. Lýðræðinu er kollvarpað og Kalli Snæ segir að Íslendingar þurfi að laga lekann á þjóðarskútunni með nýrri eftirlitsstofnun með ríkisstarfsmönnum svo þjóðin geti dregið í handbremsuna áður en þeir sigli þjóðarskútunni í strand.

500% aukning á umframdauða bólusettra barna með mRNA bóluefnum

Kalli Snæ greindi frá rannsókn sem Lýðheilsustofnun Taívan gerði á asmaveikum börnum. Meiningin var ekki frá byrjun að rannsaka umframdauða vegna mRNA bóluefna heldur komu þær upplýsingar sem afrakstur af asmarannsókninni og ekki sérstaklega skrifað um það. Kalli Snæ greindi frá því að hann hefði tekið tvö mál til dómstóla vegna þess að landlæknir neitaði honum um gögn sem hann og aðrir landsmenn eiga rétt á að fá að sjá samkvæmt lögum. Sagði Kalli Snæ ótrúlegt að hafa upplifað hvernig hver höndin bandar frá sér ábyrgð og vísar á annan innan ríkiskerfisins. Þessi viðbrögð stjórnvalda þekkjast í öðru máli, Fósturvísamálinu, svo verklagið virðist bæði viðvarandi og þekkt og samtímis útbreitt vandamál. Fleiri mál bíða síns tíma en reynsla Kalla Snæ af yfirvöldum er ekki beint til að hrópa húrra yfir.

Kalli Snæ segir almenning hafa verið blekktan af yfirvöldum um áhrif mRNA bóluefna og segir landsmenn eiga betur skilið en að heyra 95% tilbúning um „vernd“ mRNA sem ekki sé fyrir hendi. Hann minnist fyrirrennara unnenda ríkisvaldsins:

„Á síðustu öld sagði maður á Ítalíu: Af ríkinu, fyrir ríkið og ekkert nema ríkið. Svo á almenningur að þegja.“

Kalli hafði tillögur um lyf sem gæti bjargað mannslífum á Íslandi og voru yfirvöld í upphafi jákvæð, þar til neyðarlög sóttvarnarlaga voru sett og ríkisstjórnin hóf fjöldabólusetningar með mRNA bóluefnum bólurisanna á Íslandi. Þá beittu yfirvöld hinu illvíga afbrigði gulu hænunnar „útilokandi skilgreiningarvaldi“ og í reynd „bönnuðu“ lyf sem Kalli Snæ hefði getað selt fyrir 50 krónur eða gefið en yfirvöld meinuðu að yrðu seld nema á ofurverði frá 240 til 12 þúsund sinnum hærra verði. Með þessu bragði var spurningunni um verkandi lyf gegn Covid-19 slegin út af borðinu, því dómstóllinn tekur ekki fyrir spurningu um verðlag.

Annað mál er að landlæknir neitaði lækninum Guðmundi Karl Snæbjörnssyni um að fá gögn svo hann gæti unnið að rannsókn á umframdauða á Íslandi. Um er að ræða tölulegar upplýsingar sem Kalli Snæ segir að landsmenn eigi lögum samkvæmt rétt að fá aðgang að. Hægt er að spyrja sig hverslags valdmisboð það er af heilbrigðisyfirvöldum að meina rannsakandi lækni um lögbundnar upplýsingar með vísun til undanþágu sóttvarnarlaga enda varaði fyrrverandi umboðsmaður Alþingis við áframhaldandi keyrslu á stjórnarháttum neyðarlaga, þótt forsendur þeirra séu fyrir löngu afkláraðar.

Aukning umframdauða á heimsmælikvarða er svo rosalegur að erfitt er skilja hann. Er um að ræða aukningu dauða á alls kyns sjúkdómum, túrbókrabbameini, hjartaáföllum, heilablóðfalli, blóðtappa osfrv. Umframdauði á heimsvísu er kominn yfir 100 milljónir manna. Í Japan er verið að innleiða sjálf-afritandi RNA bóluefni sem enginn veit hvaða áhrif geta haft. Japanir segja það vera þriðju kjarnorkusprengjuna. Kalli Snæ svarar:

„Þetta er eins og þúsund kjarnorkusprengjur í samanburði við sprengjurnar sem voru felldar á Hírósíma og Nagasagi.“

Kalla Snæ er tíðrætt um stjórnvöld á Íslandi og hvernig siðlausir, huglausir embættismenn sniðganga lýðræðið:

„Það vantar nánast eitthvað stöðvunarvald, sem þjóðin gæti haft til að segja stopp, hingað og ekki lengra…..Valdið er ekki lengur í höndum okkar. Þeir settu sóttvarnarlög en var aldrei gefið það vald að drepa fólk einhvers annars staðar í heiminum, þótt hér hafi verið sett sóttvarnarlög.“

„Þöggun yfirvalda, ritskoðun og gríðarlega íþyngjandi reglur í formi alþjóða heilbrigðisreglugerðar. Sóttvarnarlögin eru trójuhestur og það þýðir ekkert að mótmæla, því það verður bannað með lögum og jafnvel farið að fangelsa fólk. Við erum komin þangað, það er næsti bær. Sameinuðu þjóðirnar og undirdeild þeirra WHO sem er til 90% stjórnað af lyfjarisum heims. Allt lýtur þetta að því eina markmiði að ná stjórn á jarðarbúum. Ég segi: mRNA er skilgreint sem eitur. Vírus er eitur.“

Smelltu á myndskeiðið hér að neðan til að horfa á þáttinn:

Fara efst á síðu