Thjodolfur

frjals og fullvalda

„Djöfullinn sjálfur“ stýrir stríðsvagni Vesturlanda

Gústaf Skúlason

Hinn heimskunni blaðamaður Tucker Carlson segir í „Redacted“ (sjá YouTube að neðan) að myrkrarvöldin stjórni vegferð Vesturlanda í Úkraínu. „Djöfullinn sjálfur“ segir Tucker Carlson.

Bandaríkin hafa skyndilega heimilað Úkraínu að nota jarðsprengjur sem eru ólöglegar í mörgum löndum og langdrægar eldflaugar gegn Rússum. Þetta er orðið algert brjálæði segir þáttastjórnandi Redacted. „Og af hverju núna? Hvað er í gangi? Hver stjórnar Hvíta húsinu?“ Tucker Carlson svarar:

„Ég myndi segja Satan. Ég trúi því virkilega að myrku öflin séu við stjórnvölinn. Það er engin réttlæting fyrir því að nota jarðsprengjur í þessum átökum … það eina sem þær gera er að drepa saklausa. Punktur. Það eru einu áhrifin. Þeir vita þetta en þeir gera það samt. Vegna þess að manndráp er aðalatriðið. Þetta er illmennska. Það verður að segjast.“

„Þetta snýst ekki um að verja lýðræðið. Forseti Úkraínu er ekki einu sinni kjörinn af þjóðinni, hann er einræðisherra (tímabil Zelensky rann út 20. maí á þessu ári, aths. okkar). Kjörtímabil hans rann bókstaflega út en hann heldur áfram að stjórna.“

Að sögn Tucker er Úkraína á margan hátt „alræðisríki.“ Hann útskýrir gjörðir Bandaríkjanna og hins vestræna heims sem síðustu daga heimsveldis. Þá er keyrt út í skurð. Það má sjá í sögulegu samhengi segir Tucker Carlson:

„Síðustu dagar deyjandi siðmenningar framkalla þessa drápsveislu. Endalok heimsveldis líkjast sjálfsmorði, þar sem fyrrverandi stórveldi drepur sig sjálft og tekur helling af fólki með sér. Þetta er hræðilegra en mér fannst, þegar ég las um fall Rómaveldis.“

Tucker Carlson segist einnig hafa miklar áhyggjur af því, að fólkið sem reynt hefur að stöðva Donald Trump í átta ár og sér enga aðra leið til að tortíma honum, hafi ákveðið að eina leiðin til að stöðva hann „sé ​​með heimsstyrjöld.“

Hér að neðan má sjá árásir Úkraínu með amerískum langdrægum eldflaugum sem dreifa jarðsprengjum um allt:

Joe Rogan er sama sinnis og Tucker Carlson og telur það ólöglegt að fráfarandi forseti geti stigmagnað Úkraínustríðið, þegar Bandaríkjamenn hafa kosið aðra stefnu og annan forseta:

Áhugaverðar fréttir

Fara efst á síðu