Veiðimenn úkraínuhers leita að bráð til slátrunar á vígvellinum og fóru á tónleika og skemmtistaði í Úkraínu um helgina. Myndskeið frá nokkrum borgum sýna karlmenn sem eru dregnir í burtu af einkennisklæddu starfsfólki.
Um síðustu helgi lék úkraínska rokkhljómsveitin Okean Elzy í íþróttahöllinni í Kænugarði þrjú kvöld í röð. Hljómsveitinni er lýst sem frægustu og farsælustu rokkhljómsveit landsins og hélt meðal annars tónleika í Malmö í Svíþjóð fyrr í ár.
En fyrstu tónleikarnir á föstudagskvöldið enduðu á dramatískan hátt. Fyrir utan leikvanginn sem tekur allt að tíu þúsund áhorfendur, biðu einkennisklæddur starfsmenn frá ráðningar- og stuðningsmiðstöð Úkraínu, TCK.
TCK athugaði hvort einhverjir karlmenn sem eru að reyna að komast hjá herskyldu væru meðal tónleikagesta. Þeir sem ekki höfðu alla pappíra í lagi voru færðir burtu. Margir reyndu að verja sig og börðust gegn því að vera fluttir burtu. Allir vita að þeirra bíður dauðinn í stóru hakkavélinni fyrir austan.
Veiðimenn dauðans sækja drengi elítunnar
Þetta er engan veginn í fyrsta skipti sem slíkar aðgerðir eiga sér stað í Úkraínu. Undanfarin tvö ár hafa úkraínskir samfélagsmiðlar verið yfirfullir af svipuðum myndböndum sem sýna starfsmenn TCK sækja unga úkraínska karlmenn til að senda beint í dauðann á austurvígstöðvunum. Hins vegar er það nýtt, að veiðimenn dauðans ráðast núna á tónleika, næturklúbba og kaffihús, þar sem yfirstétt Kænugarðs og börn þeirra hanga. Fram að þessu hafa veiðimenn dauðans hlíft þessum stöðum, en ekki lengur.
Áður fyrr voru það aðallega karlmenn á landsbyggðinni og í öðrum borgum en höfuðborginni sem voru sóttir sem lifandi bráð til að fylla skotgrafirnar. Þeim efna- og valdameiri var hlíft, en ekki lengur.
AP greinir frá því, að auk veiðibráða íþróttahallarinnar sáust veiðimenn ríkisins um helgina einnig á verslunarmiðstöðinni Good Wine og hinum vinsæla veitingastað Avalon. Elítan og börn þeirra eru ekki lengur vernduð fyrir drápsvélinni í austri.
Skortur á hermönnum
Úkraínsk yfirvöld reyna að smala fleiri mönnum til að senda í stríðið gegn Rússum. Stjórnvöld eru greinilega örvæntingafull og taka alla þá sem hægt er að taka áður en ósigurinn verður öllum augljós. 27 ára gamall maður sem var á Okean Elzy tónleikunum sagði við AP:
„Þessi innri tilfinning að vera stöðugt staddur í hættu er komin aftur.“
Maðurinn, sem er 27 ára gamall, hefur áður komist hjá herskyldu vegna háskólanáms. En eftir lagabreytingu síðastliðið vor eru slíkar undanþágur ekki lengur veittar og nú er hann í hópi þeirra manna sem trúlega verða sendir í „hakkavélina.“
Konurnar snúast til varnar
Hinir opinberu og einkennisklæddu veiðimenn námu karlmenn á brott frá fleiri stöðum en miðbæ Kænugarðs. Það sama gerðist í Odessa, Dnipro og Kharkiv. Konur og börn sýndu mótspyrnu í Transcarpathia á landamærum Slóvakíu, Ungverjalands og Rúmeníu, langt frá Kænugarði og lokuðu veginum svo þeir kæmust ekki áfram.
Þorpsbúar stöðvuðu hvítan skápbíl með einkennisklæddum ríkisstarfsmönnum sem þeir töldu að kæmi með veiðimenn dauðans frá TCK til að sækja eiginmenn þeirra. Konurnar köstuðu grjóti á bílinn en það kom í ljós að um landamæralögreglu var að ræða. Einum rafsuðumanni sem var að vinna að viðgerðum við brú, tókst að flýja með því að skera upp gat á einum brúarbjálkanna og skríða gegnum hann yfir ána Tisa og komast heilu og höldnu yfir til Ungverjalands.
Honum verður því væntanlega ekki slátrað í bráð á vígvellinum.
