Margir hafa tekið eftir heimsókn Íris Erlingsdóttur til ættjarðarinnar um páskana. Hún hefur verið ötul í kvenréttindamálum þjóðarinnar og þótt víðar væri leitað. Hér er hún í viðtali hjá Frosta Logasyni (skjáskot Brotkast).
Íris Erlingsdóttir fjölmiðlafræðingur segir frá heimsókn sinni til Íslands um páskana sem margir hafa tekið eftir meðal annars vegna aðkomu hennar að fjölmiðlamálum þjóðarinnar. Íris Erlingsdóttir hefur tekið til höndum í varnarbaráttu kvenna gegn því að líffræðilega fæddir karlar fái að ryðjast inn í búnings- og sturtuklefa kvenna og keppa í klassískum íþróttagreinum kvenna. Hún hefur skrifað fjölmargar greinar um málið og var núna síðast í Brotkasti hjá Frosta Logasyni til að ræða þessi mál.
Kvenréttindamálin hafa verið töluvert til umræðu að undanförnu, ekki síst vegna nýlegs dóms Hæstaréttar Bretlands sem gaf út þá sjálfsögðu niðurstöðu að kona væri kona. Þrátt fyrir að verið sé að snúa af braut rangrar stefnu í kynjamálum víða um heim, þá virðast samtök og stofnanir á Íslandi ekki fylgjast nægjanlega vel með því sem er að gerast og stefna sofandi að feigðarósi
Fjölmiðlaflórinn
Íris segir fjölmiðlalandslagið á Íslandi gjörbreytt frá því sem áður var. Margir fjölmiðlar eru á markaðinum en gæði þeirra allra ekki af sama meiði. Hún styður frjálsa miðla sem þora að stunda alvöru blaðamennsku og segja sannleikann í stað ríkisstyrktra miðla sem sumir hverjir stunda pólitískan áróður og breiða út níð og slúður. Ber svo hart að þessu að Íris segir réttara að ræða um fjölmiðlaflórinn í stað flórunnar þegar verið er að ræða fjölmiðlamálin á Íslandi í dag. Hún gagnrýnir ófagleg vinnubrögð RÚV og nokkurra dagblaða sem öll njóta ríkisstyrkja án þess að verða að gagni á þeim grundvelli sem alvöru fjölmiðlum er ætlað að starfa eftir.
Innlegg Írisar Erlingsdóttur í fjölmiðlaumræðuna á Íslandi á allan rétt á sér og margir henni sammála enda upplýsandi um störf og skyldur blaðamannastéttarinnar.
Ísland orðið að Vók- og Hamas-miðstöð
Íris Bendir á nýlegt skemmtilegt viðtal Frosta Logasonar við Dr. Gad Sad sem Þjóðólfur skrifaði um. Dr. Gad Sad kemur til Íslands og heldur fyrirlestur í Hörpu 2. júní n.k. (panta má miða hér). Hún segir að halda mætti að Ísland væri Vók-miðstöð alheims vegna afstöðu ráðherra og ýmissa samtaka til hefðbundinnar lífeðlisfræði og vísar m.a. til afstöðu Kennarasambands Íslands sem fagnar því, að „flétta“ eigi kynjafræði í allar greinar.
Íris segir einnig út yfir öll velsæmismörk, að utanríkisráðherra Íslands, Þorgerður Katrín Gunnarsdóttir, skuli gera sjálfa sig og Ísland að athlægi víða um heim með tillögu um að láta reka Ísrael úr Eurovision. Skömm utanríkisráðherrans er mikil og engu líkar en að verið sé að réttlæta gyðingahatur og gera Ísland að Hamas-miðstöð í heiminum. Hún bendir á þögn fjölmiðla um dráp á kristnum víða um heim eins og í Nígeríu en oft er minnst á töluna 100 þúsund kristna sem myrtir hafa verið síðustu 20 árin. Þá eru einnig frásagnir af hryllilegum morðum á kristnu fólki í Sýrlandi en varla á það minnst, þar sem lofsöngur um Hamas tekur allt plássið.
Sýrlenskir öryrkjar á Íslandi stærsti viðskipahópurinn
Einn hlutur fannst henni furðulegur. Þegar hún pantaði sér leigubíl til að ferðast innan Reykjavíkur kom mínirúta til hennar. Hún benti á að hún þyrfti ekki svo stóran bíl innanbæjar í Reykjavík en bílstjórinn útskýrði það með því að hann hefði verið næstur í röðinni. Umræðurnar héldu áfram og Íris spurði vegna allra ferðamanna í Reykjavík hverjir væru helstu viðskiptavinirnir í dag.
Svar leigubílstjórans kom henni og eflaust mörgum með henni á óvart. Leigubílstjórinn svaraði um hæl:
„Sýrlenskir öryrkjar eru helsti viðskiptavinurinn.“