Ég hef verið kallaður af lögreglunni á höfuðborgarsvæðinu til yfirheyrslna í næstu viku sakaður um „umsáturs-einelti“ og hótað 4ra ára fangelsi fyrir að flytja ykkur fréttir af fósturvísamálinu svokallaða héðan frá Akureyri. Hjónin Gunnar Árnason og Hlédís Sveinsdóttir gengust undir tæknifrjóvgun á árunum 2008-2010 og var fósturvísum þeirra stolið. Á fjórða þúsund innbrota voru framin í sjúkraskrár þeirra. Hjónin telja að ellefu líf-börn þeirra alsystkin hafi fæðst útfrá fósturvísum sínum. Aðeins tekur örfáar mínútur til að fá úr skorið.
Lögreglan brunar norður
Tveir lögreglumenn verða sendir að sunnan til þess að yfirheyra mig þannig að mikið liggur við og engin óbreytt kynferðisafbrot á ferð. Hvernig ég hef með skrifum mínum stundað umsátur héðan frá Akureyri er mér ráðgáta en lífið er alltaf að koma á óvart. Ég mun gera mitt besta til að útskýra fyrir „svörtu-maríu“ hvernig Art Medica/LivioAB stal fósturvísunum nítján og afhenti hinum ríku og voldugu. Í stað þess ofsækja mig þá ættu hin seku að sæta maklegum málagjöldum um þetta mesta hneykslismál Íslands sögunnar. Gunnar og Hlédís hafa krafist dna-rannsókna vegna ellefu barna sem þau telja líf-börn sín en mæta fádæma ofríki, ofbeldi þögun og þöggun. Ættfeðurnir sem að baki standa og ábyrgð bera á öllu þessu ofbeldi eru: Katrín Jakobsdóttir, Davíð Oddsson, Dagur B. Eggertsson, Kári Stefánsson, Björgólfur Björgólfsson og Sigurður Gísli Pálmason.
Umsáturs-einelti
Í janúar 2021 var samþykkt „umsáturs-einelti“ viðbót við refsilögin frá 1940: „Hver sem endurtekið hótar, eltir, fylgist með, setur sig í samband við eða með öðrum sambærilegum hætti situr um annan mann … skal sæta sektum eða fangelsi allt að 4 árum.” Engin þessara lýsinga á við um mig karlinn hér á Akureyri. Það er bara verið að hefta málfrelsi. Lögmaður að nafni Eva Bryndís Helgadóttir á LMG lögmönnum hefur lagt fram kæruna en hún mun jafnframt lögmaður LivioAB í hinni útlendu eigu. Lögregla neitar að upplýsa kæruatriði og hverjir standa að baki kærunni en ég mun upplýsa ykkur. Eva Bryndís á sæti í viðskiptaráði þar sem þeim er vel kunnugt um fósturvísamálið.
