Farandfólkið sem leitar til Evrópu kemur eftir mörgum leiðum. Alls staðar þar sem hægt er að búa til leiðir inn í ESB, þá fyllast þær af farandfólki. Þetta á ekki síst við ríkin í Norður-Afríku. Tölur einungis frá Marokkó eru gríðarlegar.
Allar leiðir inn í Evrópu, þar sem innflytjendur hafa möguleika á að taka sig inn, eru nýttur til fulls. Skiptir þá engu, hvort það er við landamæri Grikklands og Tyrklands eða landamæri Rússlands og Hvíta-Rússlands sem eru núna undir ströngu eftirliti.
Sú leið sem hefur fengið mesta athygli fjölmiðla er án efa leiðin yfir Miðjarðarhafið. Árlega reyna þúsundir farandmanna að fara yfir Miðjarðarhafið á niðurníddum bátum, sem í mörgum tilfellum er ferðalag beint í dauðann. Mannsmyglarar og aðgerðarsinnar í ESB notfæra sér þetta. Mannsmyglararnir koma farandfólkinu fyrir í bátum nálægt alþjóðlegu hafsvæði og þangað koma aðgerðarsinnarnir á skipum sínum og „bjarga“ þeim á evrópska grund.
Yfirlýsing forseta Túnis veldur uppnámi
Yfirvöld í Norður-Afríkuríkjum eins og Túnis, Líbíu og Marokkó gegna mikilvægu hlutverki til að hamla gegn innflytjendastraumnum. Margir eru stöðvaðir við komuna til landsins og komið er í veg fyrir, að þeim takist að komast um borð í flóttabátana. ESB greiðir löndunum fyrir þau störf.
Kais Saied, forseti Túnis (sjá mynd) sagði í viðtali við Le Monde:
„Innflutningurinn er hluti af glæpsamlegri áætlun til að breyta íbúasamsetningu landsins. Fólksinnflutningarnir miða að því að brjóta niður arabíska-íslamska sjálfsmynd landsins og breyta Túnis í Afríkuríki.“
Yfirlýsing forsetans olli uppnámi bæði heima í Túnis og erlendis. Hann lýsti því, að sumir einstaklingar fái háar fjárhæðir til að veita innflytjendum dvalarleyfi sem koma frá svæðum sunnan við Sahara eyðimörkina. Hann ræddi málið í þjóðaröryggisráði Túnis og sagði, að „hjörð ólöglegra innflytjenda væri orsök ofbeldis, glæpa og óviðunandi athafna í Túnis.“
Nýjir farandmenn bætast stöðugt við
Samkvæmt Reuters hefur Marokkó stöðvað 45.015 farandmenn frá því að fara ólöglega til Evrópu síðan í janúar á þessu ári. Að auki hafa 177 smyglhringir verið stöðvaðir og marokkóski sjóherinn hefur bjargað 10.859 farandmönnum úr sjávarháska. Árið 2023 stöðvaði Marokkó 75.184 innflytjendur á leiðinni til Spánar, sem var 6% aukning frá fyrra ári.
Túnis hefur tekið á móti um það bil 30.000-50.000 farandmönnum sem koma frá löndum sunnan Sahara en margir dvelja í Túnis stuttan tíma fyrir áframhaldandi ferðalag til Evrópu.
Undanfarið hafa Spánn og Marokkó eflt samstarf til að vinna gegn fólksflutningunum. Þegar landamæragæslan er hert í Ceuta sem er í umsjón Spánar, þá fara farandamennirnir í staðinn til Kanaríeyja, sem er fyrir utan Atlantshafsströnd Marokkó. Það þýðir að verja þarf auknu fjármagni til að efla eftirlit þar líka.
