Það er morgunljóst að Runólfur Pálsson forstjóri Landspítala, Andri Ólafsson samskiptastjóri og Björn Zoëga stjórnarformaður ásamt stjórn hafa brotið gegn málsfrelsisákvæði Stjórnarskrár Íslands svo fordæmalaust er í íslensku samfélagi. Þeir hafa bannað heilbrigðisstarfsfólki aðgengi að öllum fréttum Þjóðólfs um fósturvísastuldinn The Embryo Affair á tíu tungumálum; starfsfólki er bannað að lesa sér til gagns um fósturvísastuldinn í Þjóðólfi þar sem lesa má allar fréttir frá fyrstu frétt minni á facebók 18. apríl sem News.is birti; Nítján fósturvísum stolið & settir í móðurlíf kvennaelítu & staðgöngumæðra.
Það er bannað að ræða fordæmalaus lögbrot og glæpi á göngum og kaffistofum Landspítalans. Það verður ekki svartara. Hugsanalögregla fer sem vofa um ganga Landspítalans. Hugsið ykkur. Fósturvísastuldurinn; Embryo Affair í heild sinni er aðgengilegt á tíu þjóðtungum auk íslensku; dönsku, ensku, frönsku, þýsku, norsku, sænsku, pólsku, ítölsku, spænsku og rússnesku. Þjóðólfur var stofnaður fyrir mánuði af Hallur Hallsson og Gústaf A. Skúlason sem hefur tekið viðtöl við hjónin Gunnar Árnason og Hlédísi Sveinsdóttur. Áhorf á síðasta viðtal er á tíunda þúsund. Skilur fólk núna af hverju valdaklíkan er svona logandi hrædd við Þjóðólf?
Allir eru frjálsir skoðana sinna …
73. grein Stjórnarskrár íslenska lýðveldisins hljóðar: “Allir eru frjálsir skoðana sinna og sannfæringar. Hver maður á rétt á að láta í ljós hugsanir sínar, en ábyrgjast verður hann þær fyrir dómi.“ Ekki má í lög leiða tálmanir á tjáningarfrelsi. Stærsta stofnun ríkisins, Landspítalinn má ekki ritskoða og brjóta á skoðanafrelsi starfsfólks með jafn grófum hætti sem raun ber vitni. Þeir sem það gera eiga yfir höfði sér harðar refsingar. Halla Bergþóra Björnsdóttir lögreglustjóri á höfuðborgarsvæðinu og María Káradóttir yfirmaður ákærusviðs, hafa bakað sér refsiábyrgð með því að brjóta á rétti mínum sem blaðamanni af fádæma ósvífni fyrir að skrifa um fósturvísamálið. Ég var kærður fyrir skrif mín að viðlögðu fjögurra ára fangelsi og ævilöngu farbanni um Reykjavík og Garðabæ.
Þetta auðvitað er sturlun. Lögreglumenn voru sendir norður yfir heiðar til Akureyrar til þess að yfirheyra mig. Þetta var lögregluofbeldi. Svipta ber lögkvendið Evu Bryndísi Helgadóttur lögmannsréttindum. Hjónin hafa mátt sæta fádæma lögregluofbeldi fyrir það eitt að leitast eftir að leiða í ljós uppruna ellefu barna sem kunna að vera alsystkin. Stuldur Art Medica liggur fyrir ásamt innbrotum lækna í sjúkraskrár hjónanna sem Landspítalinn hylmir yfir; innbrot 109 lækna, læknanema og hjúkrunarfólks án lagaheimilda. 48 hafa verið kærðir, 44 til Persónuverndar sem hefur snúist í öndverðu sína. Fjórir kærðir til Ölmu Möller landlæknis og Helgu Þórisdóttur sem hefur breytt Persónuvernd í Persónuofsóknir ríkisins. Þetta fólk hefur allt bakað sér refsiábyrgð. Svo auðvitað eru það Katrín Jakobsdóttir í Stjórnarráðinu og Dagur B. Eggertsson í Ráðhúsinu.
Fangelsisdómur ef handhafi opinbers valds gerist sekur um ranglæti …
Það varðar við lög að brjóta gegn Stjórnarskrá íslenska lýðveldisins. Ákvæði hegningarlaga koma til skoðunar sem mér fróðari menn vita auðvitað betur. Ég játa að ég er ekki skarpasti hnífurinn í skúffunni en getur verið að 30. grein hegningarlaga eigi við: “Ef handhafi dómsvalds eða annars opinbers úrskurðarvalds um lögskipti gerist sekur um ranglæti við úrlausn máls eða meðferð þess í því skyni, að niðurstaðan verði ranglát, þá skal hann sæta fangelsi allt að 6 árum. Hafi verknaðurinn haft eða verið ætlað að hafa í för með sér velferðarmissi fyrir nokkurn mann, þá skal refsingin vera fangelsi ekki skemur en 2 ár og allt að 16 árum.“ Allir sem hér hafa verið nefndir ber að rannsaka, ákæra og saksækja fyrir að misfara með opinbert vald.
Helgi Magnús & opinber rannsókn
Helgi Magnús Gunnarsson vararíkisaksóknari er ofsóttur af Ríkissaksóknara. Sigríður Friðjónsdóttir misfer svívirðilega með opinbert vald. Hún er hluti af ósvífinni feministaklíku sem stýrir Fósturvísastuldinum; Embryo Affair. Ríkisaksóknari hefur misfarið gróflega með opinbert vald og komið í veg fyrir að óbreyttir borgarar nái fram réttlæti. Helga Magnúsi er meinað að sækja vinnu af Guðrúnu Hafsteinsdóttur dómsmálaráðherra sem líkt og forverar misfer með opinbert vald, brýtur Stjórnarskrána og skapar sér refsiábyrgð. Umboðsmaður Alþingis er með Landlækni og Persónuofsóknir ríkisins til rannsókna. Halda menn að það sé tilviljun að Skúli Magnússon sé á leið í Hæstarétt? Nær hann að klára rannsókn sína? Umboðsmaður auðvitað stendur skil fyrir Alþingi en allir þingmenn þegja og þagga Fósturvísastuldinn. Það yrði gróft mannréttindabrot ef Helga Magnúsi yrði vikið úr starfi fyrir að láta í ljós hugsanir sínar opinberlega líkt og ríkissaksóknari krefst. Hvað um að Helgi Magnús hefji opinbera rannsókn á Fósturvísastuldinum þegar hann snýr til starfa? Saksóknarar hafa frumkvæðisskyldu, er það ekki svo?
