Stjórnendur stofnana sem eiga að vinna í þágu almennings en eru herteknar af spilltum einstaklingum sem líta á sig ofar lögum, gera allt til að hylma yfir glæpi þeirra fósturvísalækna sem auðguðust mjög á fósturvísaviðskiptum. Barátta hjónanna Hlédísar Sveinsdóttur og Gunnars Árnason til að fá að vita sannleikann um 19 „horfna” fósturvísa og 40 egg hefur vakið reiði og grimmd fáheyrðustu spillingarafla Íslandssögunnar. Kerfiskarlar og kerlingar beita sameiginlegu valdi stofnana gegn stálheiðarlegu, saklausu fólki, Hlédísi og Gunnari. Þar fer Golíat í fullum herklæðum gegn Davíð. En hjónin láta ekki beygja sig. Þau elska hvort annað og ást þeirra getur enginn máttur rofið.
Í fyrradag tókum við Hallur Hallsson, blaðamaður á Akureyri, upp fimmta viðtalsþáttinn við þau Hlédísi Sveinsdóttir og Gunnar Árnason. Djörfung þeirra og stöðug fótfesta í raunveruleikanum vekur bæði undrun og aðdáun. dagarnir telja langt á fjórða þúsund síðan þeim var tjáð um vægast sagt óvenjulega „umferð” í sjúkraskrá Hlédísar. Á fjórða þúsund telja einnig innskráningar 164 aðila og af þeim voru 109 með öllu óheimilt að brjótast inn í skrárnar. Þessa Boulevard du Crime ver læknamafía Íslands með Degi B. Eggertssyni í fararbroddi og leggur eigin tilvist undir. Í ljósi þeirrar fjármálaspillingar og jafnvel barnaráns, þá er það skiljanlegt.
Ritskoðun Þjóðólfs
Stjórn Landsspítalans bannlýsir Þjóðólf, sem er rúmlega mánaðargamall, innan veggja spítalans og læsir starfsmenn spítalans inni í anda sértrúarsafnaðar stjórnenda. Nýjar samskiptareglur teknar upp sem banna starfsmönnum að ræða við utanaðkomandi um innri málefni spítalans. Lögfræðingur spítalans sem ver glæpamennskuna með kjafti og klóm er sami aðilinn og á að tryggja „persónuvernd” sjúklinga spítalans. Ekki að undra að forystumenn Læknafélagsins maldi í móinn.
Eftirlýst sem glæpafólk í öllu glæpakerfi lögreglunnar
Þau Hlédís og Gunnar hafa ekki bara mætt þöggun, þau hafa mátt þola ofsóknir og einelti yfirvalda í slíkum mæli, að fara verður aftur í Sturlungaöld til að fá einhvern samanburð. Þau eru Bonny & Clyde Íslands ef marka má rafrænt eftirlitskerfi lögreglunnar Löke. Á öllum stöðum þess kerfis voru þau innskráð og merkt sem stórhættulegir glæpamenn: Hjá embætti sérstaks saksóknara, embætti héraðssaksóknara, embætti lögreglustjórans á höfuðborgarsvæðinu, embætti lögreglustjórans á Norðurlandi eystra, embætti Tollstjóra (nú skatturinn), embætti lögreglustjórans á Vestfjörðum, embætti lögreglustjórans á Suðurnesjum, embætti ríkislögreglustjóra, embætti lögreglustjórans á Vesturlandi, ríkissaksóknara og útlendingastofnun.
Hver höndin á móti annarri
Hlédís og Gunnar sendu fyrirspurnir til viðkomandi aðila um hvernig nöfn þeirra komust inn í þessa glæpaskrá lögreglunnar. Viðbrögðin ævintýri líkust. Hver höndin á móti annarri, ríkislögreglustjóri sver af sér alla ábyrgð og bendir á á svæðisbundna lögreglustjóra. Lögreglustjóri á Norðurlandi eystra vísar málinu til föðurhúsanna samanber bréf (sjá mynd).
„Gervimaður” ríkislögreglustjórans
Einna mesta furðu vekur ævintýraleg útskýring ríkislögreglustjórans um að „gervimaður” hafi skráð Hlédísi Sveinsdóttur og Gunnar Árnason sem ótýnda glæpamenn í kerfið sbr. bréf frá ríkislögreglustjóranum (sjá mynd). Í bréfi ríkislögreglustjóra til hjónanna má lesa:
„Málið fór í ferli hjá tölvudeild RLS og þau sóttu logga vegna þessarar færslu til þess að svara beiðni Útlendingastofnunar. Í loggnum mátti sjá færslu sem merkt var ÚTL en sú færsla var af kerfisnotanda, þ.e. „gervimanni” sem notaður var til þess að prófa virkni uppflettinga hjá ÚTL, þessi tiltekna kennitala gæti hafa verið partur af sjálfvirki prófun sem „bulk” uppflettingar voru framkvæmdar.”
Nöfn fjögurra ákærðra innbrotsaðila til viðbótar
Í þætti númer fjögur voru birt nöfn 44 aðila af þeim 48 sem hjónin hafa kært fyrir innbrot í sjúkraskrá Hlédísar. Hér eru nöfn þeirra fjögurra sem vantaði (sjá mynd). Athygli vekur að yfirvöld týndu einum þessara aðila. Vonandi finna þau manninn áður en frostahörkur færast yfir Frón.
Þáttur ríkisfjölmiðilsins
Hjónin sögðu frá afskiptum eða réttara sagt afskiptaleysi fjölmiðla aðallega ríkisfjölmiðilsins alræmda í Glæpaleiti eins og bloggkóngur Íslands, Páll Vilhjálmsson, lýsir RÚV en þar eru fréttamenn sakborningar í öðru spillingarmáli, byrlunarmálinu svo kallaða. Er það til marks um siðleysið, að öllum tilraunum hjónanna til að fá aðra miðla til aðstoðar hafa mistekist. Ósýnileg hönd hinnar raunverulegu valdstjórnar á bak við tjöldin gætir þess að glæpaverkin fréttist ekki út til almennings. Haukur Hólm afhenti bréf sem lýsir skelfingu um afleiðingar sannleikans á foringja læknamafíunnar á Íslandi, Dag B. Eggertsson.
Hjónin sögðu einnig frá peningahreyfingum gegnum grunsamleg fasteignaviðskipti aðila fósturvísamálsins. Dæmi sýnd á myndskeiðinu.
Í þessum bardaga Davíðs við Golíat, þarf þjóðin að koma til og gefa Hlédísi og Gunnari allan þann stuðning og styrk sem aðstoðar þau gegn ofurefli kerfisins.
Smelltu á myndskeiðið hér að neðan til að horfa á þáttinn.
