Demókrataflokkurinn hefur notað Alþjóðaþróunarstofnun Bandaríkjanna sem og aðrar ríkisstofnanir í besta kommúnistastíl sem eigin flokksstofnanir. Flokkurinn sem kennir sig við lýðræði gerir engan greinarmun á flokknum og ríkinu. Spillingin er botnlaus, því flokkurinn hefur notað skattaða peninga sem eigur flokksins fyrir flokksbundin verkefni.
Dæmi eru um alls kyns verkefni allt frá 32.000 dollara ríkisstyrk fyrir trans myndasögu í Perú, hálfan milljarð dollara í kaup á blaðamönnum víða um heim m.a. til að kynda undir Úkraínustríðið og hylla Biden forseta upp í að fjármagna rannsóknarstofuna í Wuhan í Kína sem „lak“ Covid-veirunni.
Sumir halda því fram að USAID hafi verið notað til að skapa hörmulegan heimsfaraldur til að veita demókrötum tækifæri til að endurskoða kosningalögin svo Joe Biden gat unnið kosningarnar 2020.
Þann 25. janúar tilkynnti CIA að líklegt væri að Covid-19 veiran hefði borist út af veirurannsóknarstofunni i í Wuhan. CIA hafði lengi neitað að taka afstöðu í málinu en gerir viðsnúning og telur „að rannsóknartengdur uppruni Covid-19 heimsfaraldursins sé líklegri en náttúrulegur uppruni.“
Þetta kemur nánast engum hugsandi manni á óvart. Veiran er nátengd SARS-CoV-2 og er ekki til í náttúrunni nálægt Wuhan. Enginn upprunalegur hýsill hefur fundist. Leðurblökur sem eru uppspretta þessarar kórónaveirufjölskyldu hafa aldrei verið seldar á votmarkaði Wuhan en Kínverjar halda því fram að veiran hafi komið þaðan.
Fjölmörg öryggisatriði eru hins vegar til skjalfest sem benda opinberlega til þess óhapps sem gerðist á rannsóknarstofunni í október 2019 um svipað leyti og vísindamenn telja að veiran hafi byrjað að breiðast út. Jafnvel kínverski kommúnistaflokkurinn getur ekki komið með trúverðuga kenningu um stökk frá dýrum yfir í menn eftir fimm ár.
Þrátt fyrir afneitun Anthony Fauci á að stundaðar hafi verið rannsóknir á „viðbótarvirkni“ veirunnar til að gera hana að drápsvopni sem nota má í hernaði, þá hefur núna komið í ljós að það var einmitt verkefnið sem Bandaríkjastjórn greiddi rannsóknarstofunni í Wuhan fyrir. EcoHealth Alliance, bandarísk umhverfissamtök, fengu milljónir dollara í styrk frá stjórnvöldum í verkefni eins og „PREDICT.
„Í viðleitni til að bera kennsl á og bregðast við nýjum dýrasjúkdómum áður en þeir dreifast til manna, þá skapaði bandaríska þróunarstofnunin (USAID) áætlun um hættu á faröldrum Emerging Pandemic Threats, EPT. EPT samanstendur af fjórum verkefnum: PREDICT, RESPOND, IDENTIFY og PREVENT. PREDICT verkefnið leitast við að bera kennsl á nýja smitsjúkdóma sem geta orðið ógn við heilsu manna. PREDICT samstarfsaðilar staðsetja rannsóknir sínar á landfræðilegum „heitum reitum“ og einbeita sér að dýralífi sem er líklegast til að bera með sér dýrasjúkdóma – eins og leðurblökur, nagdýr og ómannlegir prímatar.“
Þjóðarstofnun Dr. Anthony Fauci vissi bæði um þær virknirannsóknir sem EcoHealth Alliance var að gera og öryggisáhættuna hjá veirufræðistofnuninni í Wuhan. Þrátt fyrir þessa vitneskju hélt USAID og bandarísk stjórnvöld áfram að fjármagna starfið.
Eftirleikurinn – heimsfaraldurinn – er saga sem öllum er kunn.
