Donald Trump segir að Tyrkir standi á bak við valdaránið í Sýrlandi. Hann lýsir falli Assad forseta sem „óvinveittri valdatöku“ stjórnað frá Ankara.
Ástandið í Sýrlandi hefur breyst hratt á undanförnum vikum eftir að hryðjuverkasamtök heilagastríðsmanna Hayat Tahrir-al-Sham, HTS, sem áður var al-Qaeda, réðust gegn sýrlenska hernum.
Heilagastríðsmennirnir náðu fljótt yfirráðum í nokkrum stórborgum, þar á meðal höfuðborginni Damaskus. Sýrlenski herinn hrundi og Assad forseti flúði til Rússlands sem pólitískur flóttamaður. Donald Trump sagði á blaðamannafundi fyrr í vikunni að Tyrkland hefði ítök í þeim sem steyptu Assad af stóli.
🇺🇸🇸🇾🇹🇷 Trump says bluntly that “Turkey controls those rebels and Erdogan did an unfriendly takeover of Syria”
— Lord Bebo (@MyLordBebo) December 16, 2024
“They wanted it for thousand of years and he got it” pic.twitter.com/sY4nvQE4f5
Trump lýsti Recep Tayyip Erdogan Tyrklandsforseta sem „snjöllum“ og „mjög hörðum“ leiðtoga sem tókst að steypa Assad-stjórninni af stóli.
„Tyrkland hefur viljað fá Sýrland í þúsundir ára og þeir fengu það. Tyrkland gerði óvinveitta valdatöku án þess að mörgum mannslífum væri fórnað.“
Trump bendir á „sterkan hernaðarmátt“ Tyrklands sem „hefur ekki þreytt sig í stríði.“ Donald Trump sagði enn fremur að Tyrkland muni gegna mikilvægu hlutverki í framtíð Sýrlands.
