Það tíðkast hin breiðu spjótin í Ameríku og nú er allt vitlaust út af Joe Biden sem líkti kjósendum Trump við rusl þegar hann stamaði: “… Eina ruslið sem ég sé fljótandi eru stuðningsmenn Trump.” Þetta sagði Joe Biden eftir að ungur grínisti sagði á kosningafundi Trump í Madison Square Garden um helgina að Puerto Rico væri sem “…fljótandi eyja á ruslahaug.” Joe Biden fetaði í fótspor Hillary Clinton sem 2016 lýsti kjósendum Donald Trump sem “fyrirlitlegum; deplorables.” Það reyndist Clinton dýrt. Að undanförnu hafa demókratar líkt kjósendum Trump við fazista, razista, nazista og nú rusl; garbage. Demókratar eru farnir á taugum. Kamala Harris hóf baráttu sína á gleðitónum; joyful Kamila en grípur til örvæntingarfullra upphrópana. Trump er líkt við Hitler. Maga-rally eru eins og samkomur nazista 1939. Hér er upplýsandi umfjöllun Sky-Ástralía sem þið munuð ekki sjá á RÚV.
Trump hins vegar keyrir öskubíl klæddur vinnugalla. “Hvernig líkar ykkur öskubíllinn minn. Hann er til heiðurs Kamölu og Joe Biden.” Demókratar ráða ekkert við gula karlinn sem ver fólkið sitt og hittir naglann á höfuðið. “Enginn getur verið forseti nema elska fólkið sitt,” segir Trump. Glóbalistar elska ekki þjóðir sínar, þeir raunar fyrirlíta alþýðufólk. Síðustu fjögur ár hafa Kamala og Biden flutt inn yfir +20 milljón “hælisleitendur” sem verið er að leiða til kjörklefa án atkvæðaréttar. Enginn þarf að framvísa skírteini. Á meðan er heimafólki torveldað að greiða atkvæði.
Fordæmalaus fjöldi sótti MAGA fund Donald Trump í Madison Square Garden í New York sem var fullt upp í rjáfur. Um tvö hundrað þúsund manns voru innan og utan dyra Madison Square Garden á Manhattan. Aldrei í sögu heimsins hafa stjórnmálafundir verið sóttir sem Maga-rally uppreisnarafla borgaralega sinnaðs fólks í Bandaríkjunum. Þetta hefur skelft vestræna stjórnmála-elítu í 101 metrópólum beggja vegna Atlantshafs í Ameríku og Evrópu. Stjórnmálaelítan fyrirlítur alþýðufólk og það blasir orðið við öllum almenningi vestanhafs.
TRUMP-HEILKENNI 101 REYKJAVÍK
Birgir Þórarinsson þingmaður XD er formaður Íslandsdeildar Öryggis og samvinnustofnunar Evrópu. Hann er förum vestur um haf í eftirlit með kosningum í Nevada sem er eitt af lykilríkjunum; swing-states. ÖSE er pólitískt batterí sem lítið er að marka til úttektar um öryggi kosninga. Birgir var í viðtali við Arnþrúði Karlsdóttur á Útvarpi Sögu. Af svörum er Birgir augljóslega með Trump-heilkenni alveg eins og restin af 101 elítunni. Arnþrúður reyndi að halda uppi vitrænni umræðu við Birgi en það var ómögulegt. ”Trump hamraði að kosningunum hefði verið stolið,” sagði Birgir fullur vandlætingar. Birgir hefur augljóslega ekki lagt á sig að skoða framkvæmd kosninganna sem honum hefði þó borið að gera ef hann tæki mark á sjálfum sér. Það var fyndið að sjá Þorgerði Katrínu saka kollega sína um Trumpisma á Stöð 2 í vikunni sem allir stukku upp sem sem gargandi hænur. Rétttrúnaðurinn er spaugilegur.
BIRGIR BLINDUR Á ATBURÐI Í AMERÍKU
Birgir er blindur á það sem nú er að gerast í Ameríku og gerðist í nóvember 2020 þegar demókratar stálu kosningunum; frömdu valdarán Coup E’tat þegar heilabilaður Joe Biden hökti upp úr kjallaranum í Delaware án þess að halda einn marktækan kosningafund en sagður hafa fengið 81 milljón atkvæða. Svikin voru í skjóli Mail-in-Ballot í skjóli covid. Í Ameríku þurfa kjósendur ekki að framvísa skilríkjum og í skjóli þessa eru framin stórfelld kosningasvik í fátæktarborgum sem demókratar hafa ráðið í áratugi. Domino-kosningavélar sem Chavez kom fram með í Venezúela eru notaðar til stórfelldra kosningasvika í Ameríku. Þetta er gert fyrir opnum tjöldum og pólitískt evrópskt eftirlit er grín. Viku fyrir kosningar 2020 upplýsti Biden-garmurinn um áformin fyrir opnum tjöldum:
We‘ve put together I think, the most extensive and inclusive voter fraud organisation in the History of American Politics. Joe Biden, 24. október 2020.
KOSNINGASVIKIN Í SKJÓLI NÆTUR
Klukkan þrjú að næturlagi var Trump yfir í helstu sveifluríkjum; swing states. Trump var yfir um 700.000 þúsund atkvæðum í Pennsylvaníu þegar atkvæðagreiðslu var hætt í Philadelphiu í skjóli myrkurs, eftirlitsfólk repúblikana rekið á dyr, dyrum læst, gluggar birgðir og kosningasvikin fóru á yfirsnúning. Inn voru keyrð póstatkvæði; Mail-in-Ballot. Eiðvarinn vitnisburður póstbílstjóra frá New York fullur atkvæðaseðla var lagður fram. Tugmilljóna kosningasvik voru möguleg í skjóli covid því fólk var heima. Sömuleiðis voru framin stórfelld kosningasvik Atlanta í Georgíu, Maricoba héraði í Arizona svo fáein ríki séu nefnd.
2.000 BURÐARDÝR AFHJÚPUÐ
Denis D’Souza [1961] indverskur innflytjandi í Bandaríkjunum setti saman vandaða heimildamynd um kosningasvikin sem frumsýnd var í maí 2022. Myndin 2000.MULES eða tvö þúsund burðardýr upplýsir víðtækt net burðardýra með traffíkeruð ólögleg atkvæði sett í svokölluð ‘dropbox‘ í lykilfylkjum, swing-states í milljónavís. Þó lagðar séu fram óhrekjanlegar sannanir og lögregla geti handtekið hina seku hefur ekkert gerst, allt er þaggað. Demókratar lifa á lygi. Öll pólitísk valdastétt Vesturlanda, þar á meðal Birgir Þórarinsson sem gegnir lykilembætti, hefur þagað um valdaránið, enginn amerískur falsmiðill hefur sagt frá, dómstólar meðvirkir, 6. janúar og sýndarréttarhöld sett á svið í bandaríska þinginu. Nú þegar er verið að fremja víðtæk kosningasvik en auðvitað verður Birgir svartklæddur með sólgleraugu sem og pólitískir kollegar hans. Spurningin er hvort demókrötum takist að komast upp með að hylma yfir svik 2024. Fulltrúi Brussel, Björn Marmqvist verður þarna til þess að ljúga að íslensku þjóðinni. Fullvíst er talið að demókratar setji sjónarspil á svið með hersveit lögfræðinga …
