Dagur B. fer mikinn eins og keisarinn í Kína sem eins og andlitslaus gína lítur á bráðina sína. Hann ætlar að ráða því, hvernig frumkvöðlar noti hagnað fyrirtækja sinna og starfsmanna, sem hafa með hugviti og mikilli vinnu náð jákvæðum árangri í fyrirtækjarekstri. Dagur ásamt ófríðu föruneyti krefjast nákvæmrar rannsóknar Alþingis og sundurgreiningar á fjárfestingum eigenda í sjávarútvegi í öðrum greinum. Þetta verður kafli tvö í eignaupptöku ríkisins á dugmiklum athafnamönnum landsins sem eru í fararbroddi fiskiðnaðar á heimsvísu.
Ef að Dagur B. Eggertsson gæti séð þótt ekki væri nema eitt minnsta viðskiptatækifæri á frjálsum markaði, þá væri hann ekki sú stjórnmáladrusla sem hann er í dag. Þeir sem fara athafnabrautina og ná jafnlangt og eigendur íslenskra sjávarútvegsfyrirtækja eru hetjur Íslands sem hafa sett sjálfa sig í lífshættu til að skapa verðmæti sem aukið hafa velferð allrar þjóðarinnar. Sjávarútvegurinn er grunnatvinnugrein Íslands sem ríkisstjórnin hefur einbeittan ásetning um að eyðileggja. Bæði til að ná niður andstöðunni við ESB og einnig í skærri öfund yfir því að til er fólk sem hugsar sjálft og er óháð pólitískum viðriðnum eins og Degi B., Kristrúnu Frostadóttur, Þorgerði K. og Ingu Sæland sem ekki geta farið fram úr rúminu án þess að telja illa fengnar krónur sem með valdi eru teknar af hart vinnandi skattgreiðendum.
Eftir að hafa rústað efnahag Reykvíkinga er Ísland næsta skref hjá Degi B. sem ætlar að gera 20 stærstu sjávarútvegsfyrirtækin á Íslandi eignalaus. Nema að þau greiði peninga fyrir bragga og grænar skemmur beint inn á einkareikninga hans sjálfs heima og erlendis eða þá í „orlofsgreiðslu.” Dagur tók 10 milljónir af Reykjvíkingum í krafti stöðu sinnar í afturkræft orlof sem öðrum starfsmönnum borgarinnar er meinað að gera.
Stjórnmálamenn eru fáir athafnamenn, þess vegna verða þeir brjálaðir, þegar athafnamenn eins og Donald J. Trump fara í pólitík til að hreinsa út spillinguna. Dagur B og Samfylkingin eru krosstengd sósíalistum og öfga vinstrisinnum út um allan heim með þátttöku Samfylkingarinnar í Socialistic International. Þeirra ær og kýr eru að lemja niður duglega einstaklinga svo hægt verði að gera alla háða ríkisvaldinu á jafnan hátt. Í höndum Dags verður eitthvað ekkert, því ekkert er talið samfélag nema að sósíalistar hafi ríkisvaldið í höndum sér og geta kæft einkaframtakið í fæðingu.
Þegar Alþingi birtir njósnaskýrsluna að beiðni Dags, þá munu slátrarar ríkisstjórnarinnar taka fram stóru hnífana og eyðileggja allt sem áunnist hefur í sjávarútveginum og rústa greininni landsmönnum til ómælds skaða um alla framtíð. Frumkvöðlar munu reyna að bjarga því sem bjargað verður og þeir sem geta flýja land.
Landsmenn sitja uppi með líkin og skuldirnar sem valkyrjurnar gæða sér á fram í náttmyrkrið.