Thjodolfur

frjals og fullvalda

Sylvester Stallone birtist í Mar-a-Lago og fagnaði Trump sem „nýja George Washington“

Gústaf Skúlason

Hollywood-Rambo-Rocky Sylvester Stallone hneykslaði rétttrúnaðarliðið á fimmtudagskvöldið með óvæntri kynningu í Mar-a-Lago þar sem hann flutti hlýja kveðju til Donald Trump, nýkjörins forseta á galahátíð America First Policy Institute.

Stallone, sem er hálfguð Hollywood sem Rocky Balboa og Rambo, lýsti ekki aðeins aðdáun sinni á Donald Trump heldur hyllti hann sem „hinn nýja George Washington. “Stallone hefur forðast að taka opinberlega afstöðu í stjórnmálum en það breyttist á fimmtudagskvöldið þegar hann ásamt mörgum öðrum fagnaði glæsilegri endurkomu Donald Trump sem forseta Bandaríkjanna.

Trump er eins og Rocky – valinn til að breyta lífum

Á staðnum voru stuðningsmenn Trump og MAGA-hreyfingarinnar og nokkrir af ráðherrum komandi ríkisstjórnar Bandaríkjanna og ráðgjöfum stjórnarinnar eins og Robert F. Kennedy yngri, Elon Musk, Matt Gaetz og fleiri. Stallone sagði:

„Ég er mjög stoltur af því að vera hér. Ég átti ekki von á þessu, en ég ætla að hafa þetta stutt og laggott því það er ekkert til sem heitir of stutt ræða.”

Leikarinn rifjaði upp atriði úr upprunalegu Rocky myndinni gerði samanburð á sögu Rocky og pólitísku ferðalagi Trumps. Stallone minnti á að í Rocky myndinni þá fann hann kirkju sem hafði verið breytt í hnefaleikavöll. Hann segir að myndavélin hafi farið frá mynd af Jesús og yfir á Rocky sem verður fyrir höggi:

„Á því augnabliki verður hann útvalinn og þannig byrjar Rocky ferðina. Eitthvað átti að gerast. Þessi maður ætlaði að fara í þá ferð að breyta lífum – rétt eins og Trump forseti.“

Trump er nýji George Washington

Stallone líkti Trump við einn af virtustu stofnendum Bandaríkjanna:

„Við erum í návist virkilega goðsagnakenndrar persónu. Ég elska goðafræði og þessi einstaklingur er ekki til á þessari plánetu. Enginn í heiminum hefði getað hrist af sér það sem hann hefur hrist af sér. Ég er agndofa.”

„Og ég segi bara þetta — og ég meina það — þegar George Washington varði land sitt þá hafði hann ekki hugmynd um að hann myndi breyta heiminum. Getið þið ímyndað ímyndað ykkur hvernig heimurinn myndi líta út án hans? Vitið þið – við höfum fengið annan George Washington. Til hamingju.”

Flytur frá Kaliforníu til Flórída

Sylvester Stallone tilkynnir að fjölskyldan yfirgefi Kaliforníu endanlega og flytji til Flórída:

Styður útbreiðslu kvikmyndar um mansal með börn: Borg draumanna

Stallone styður kynningu og útbreiðslu myndar um mansal með börn: Borg draumanna

Áhugaverðar fréttir

Fara efst á síðu