Strax eftir morðið á íhaldsmanninum Charlie Kirk benti Spencer Cox, ríkisstjóri Utah, á að dauðarefsing væri við lýði í fylkinu sem gæti orðið refsing hins 22 ára gamla grunaða ódæðismanns, Tyler Robinson. Robinson bjó með kvengervli/transmanni og átti spjall við hann eftir morðið sem hefur verið birt.
Í spjallinu spyr Lance „Luna“ Twiggs, kvengervillinn sem Robinson bjó með, hvort hann hafi verið sá sem skaut Charlie Kirk til bana. Robinson svarar að svo hafi verið.
Þegar hann er spurður hvers vegna hann hafi skotið segir Robinson að hann hafi fengið nóg af „hatri“ Kirks og að hann hafi skipulagt morðið í um það bil eina viku. Robinson harmar einnig að faðir hans hafi verið dyggur stuðningsmaður Donalds Trumps frá því að hann varð forseti.
Krefst dauðarefsingar
Robinson bað elskhuga sinn að kíkja undir lyklaborð þar sem miði á að hafa fundist með textanum „Ég fékk tækifæri til að stöðva Charlie Kirk og ég mun nýta mér það.“
Á þriðjudag var Tyler Robinson formlega ákærður fyrir morðið og saksóknarinn krefst dauðarefsingar. Auk morðsins er hann einnig ákærður fyrir vopnalagabrot, að framkalla hættu fyrir fullorðna og börn, tilraun til að eyðileggja sönnunargögn og hafa áhrif á vitni.
Tyler Robinson tók þátt í réttarhöldunum í gegnum tengil úr fangelsi og næsta réttarhöld verða 29. september.