Eftir þrjár nýlegar líkamsárásir á konur í leigubílum heyrast nú raddir í Danmörku um að herða þurfi lögin. Kynárásirnar hafa valdið óhug hjá almenningi. Samtök leigubílstjóra telja brýna þörf á aðgerðum til að bæta öryggi farþega. Svipuð vandamál eru í fleiri löndum.
Að sögn tv2.dk hafa þrjú alvarleg atvik átt sér stað á undanförnum vikum þar sem kvenkyns farþegar hafa orðið fyrir árás leigubílstjóra. Í einu málanna var um að ræða konu sem var misnotuð þegar leigubílstjórinn sleikti fingur hennar og þuklaði á henni. Atvikin hafa leitt til mikillar reiði meðal almennings og innan leigubílaiðnaðarins. Trine Wollenberg, aðstoðarforstjóri Dansk PersonTransport, iðnaðarsamtaka rútu- og leigubílstjóra í Danmörku segir:
„Við erum mjög hneykslaðir að sjá þetta gerast.”
Vilja kom á skrá um leigubílstjóra
Lögreglan í Kaupmannahöfn segir við danska sjónvarpsstöðina 2, að ekkert bendi til þess að tengsl séu á milli málanna þriggja frá Kaupmannahöfn.
Leigubílaiðnaðurinn bæði í Danmörku og Svíþjóð hefur um langt skeið glímt við vandamálið og ásakanir um kynferðislegt ofbeldi gegn farþegum.
Samtök atvinnulífsins kalla eftir hertum reglum og eftirliti til að koma í veg fyrir að svipaðir atburðir geti gerst í framtíðinni. Meðal tillagnanna er að eftirlit verði aukið í akstri og víðtækari skoðun fari fram á bakgrunni ökumanna áður en þeir fá réttindi að keyra leigubíl. Trine Wollenberg segir:
„Ef við værum með eina skrá þar sem við gætum skráð mál sem varða ökumenn og fyrirtækin hefðu aðgang að þeirri skrá, þá gætum við tryggt að svona menn færu ekki út á göturnar.”
Samkvæmt CopenhagenLIV koma kröfurnar um hert öryggiseftirlit í kjölfar fimm fangelsisdóma leigubílstjóra á ýmsum stöðum í Danmörku. Voru þeir dæmdir í fangelsi fyrir kynferðisbrot gegn kvenkyns farþegum, .
Eitt mál er of mikið
Opinbera umræðan hefur magnast og víðtæk sameining er um að öryggi farþega verði að vera í fyrirrúmi. „Það er óviðunandi að svona atburðir geti gerst“ segir fulltrúi stórs leigubílafyrirtækis. Margir aðilar í greininni vilja sjá aukið samstarf við yfirvöld til að tryggja, að leigubílstjórar standist háar öryggiskröfur.
Michael Nielsen, forstjóri Dansk PersonTransport, hefur áður sagt við KøbenhavnLIV, að hann sjái ekki að þessar mörgu líkamsárásir séu merki um neinar breytingar í greininni:
„Nei, ég held að það sé ekki merki um breytingu á neinn hátt. Eitt mál er einu tilviki of mikið, það er alveg ljóst. En þetta er ekki merki um neina breytingu – alls ekki.”
