Í Bretlandi hefur ný skýrsla vakið athygli þar sem fram kemur að hvítir Bretar verða í minnihluta innan 40 ára. Ástæðan fyrir þessu er sú að búist er við að innflytjendamálin muni leiða til mikilla breytinga á samsetningu þjóðarinnar.
Matt Goodwin prófessor við Buckingham-háskóla, sem einnig er heiðursprófessor við Háskólann í Kent, hefur rannsakað lýðfræðina og stuðst við gögn frá bresku hagstofunni og manntali frá árinu 2022.
Barn sem fæðist í dag býr í landi með hvítum í minnihluta eftir 25 ár
Goodwin hefur skoðað gögn um innflytjendur, fæðingartíðni og dánartíðni fram til ársins 2100 og komist að þeirri niðurstöðu að hlutfall hvítra Breta gæti lækkað úr 73% í dag í 57% fyrir árið 2050. Þá er gert ráð fyrir að hlutfallið lækki niður fyrir 50% fyrir árið 2063 og áætlað er að hvítir Bretar verði aðeins 33,7% íbúanna fyrir árið 2100. Barn sem fæðist í dag mun því alast upp í landi þar sem hvítir Bretar eru á leiðinni að verða minnihluti, jafnvel þegar barnið verður 25 ára. Prófessor Matt Goodwin skrifar:
„Rannsókn okkar bendir til þess – nema það verði róttæk stefnubreyting, að hlutfall hvítra Breta í Bretlandi muni lækka verulega – úr rétt rúmum 70% í dag í undir 34% árið 2100.
Þeir verða í minnihluta í landinu árið 2063, aðeins eftir 38 ár. Meðal fólks undir 40 ára aldri verður vendipunktinum náð miklu fyrr eða þegar árið 2050.
Með öðrum orðum: Barn sem fæðist í dag mun búa í landi sem er nálægt því að verða land með hvítum Bretum í minnihluta þegar það verður 25 ára.“
Múslímar fjölga sér hraðast allra
Rannsóknin sýnir að fæðingartíðni er mun meiri meðal innflytjenda en innfæddra:
„Frjósemistíðnin er hærri hjá þeim sem eru fæddir erlendis og hjá múslímum. Á meðan frjósemistíðnin fyrir fólk sem fætt er í Bretlandi er 1,39, þá er hún 1,97 hjá fólki sem fætt er í útlöndum. Hjá múslímum er frjósemistalan 2,35 og 1,54 fyrir þá sem ekki eru múslímir.“
Árið 2022 sýndi manntalið að London og Birmingham voru þegar orðnar borgir þar sem hvítir Bretar eru í minnihluta. The Telegraph greindi frá. Matt Goodwin sagði í viðtali við The Telegraph:
„Í lok þessarar aldar munu flestir á þessum eyjum ekki geta rakið rætur sínar í þessu landi meira en eina eða tvær kynslóðir aftur í tímann.
Þetta vekur miklar spurningar um getu leiðtoga okkar til að sameina fólk um sameiginlega sjálfsmynd, gildi og menningu og forðast hættuna á að við verðum það sem Sir Keir Starmer kallaði „eyju ókunnugra“ nýlega“
Varar við hinu nýja Bretlandi
Áætlað er að sex af hverjum tíu Bretum séu af innflytjendaættum í lok aldarinnar. Þeir hafa annaðhvort fæðst erlendis eða eiga að minnst kosti eitt foreldri sem fæddist erlendis. Prófessorinn varar við því að þessi dramatíska lýðfræðilega þróun sé að skapa alveg nýtt land – eitthvað sem getur vakið „mikinn kvíða, áhyggjur og pólitíska andstöðu.“ Hann segir: