Aukaþáttur Ísafoldar vegna morðsins á Charlie Kirk sem hefur vakið upp öldu kærleikans um allan heim. Fólki ofbýður að byssukúla eigi að stöðva málfrelsið og sé ofbeldi sé notað þegar komið er í rökþrot. Það sem gerir morðið á Charlie svo tilfinningalegt er að hann var enginn ofbeldismaður, hafði engin pólitísk völd heldur hafði trúna á Guð að leiðarljósi í málfundum sínum við æsku Bandaríkjanna í mennta- og háskólum landsins.
Þeir sem standa í þeirri trú að hægt sé að sigra ljósið með vopnum, að hægt sé að stöðva andann með byssukúlu, skilja ekki hvaða öldu þeir hafa skapað með gjörðum sínum. Morðið á Charlie, þetta botnlausa hatur vinstri manna sem geta ekki náð völdum nema að ljúga og drepa andstæðinga sína, snýst við í höndum þeirra sjálfa, því her kristinna manna er mikill, þegar hann fer af stað. Og það verður með kærleikann að vopni, trúna á manneskjuna, trúna á fjölskylduna sem grunnstoð samfélagsins en ekki þá sundrung og eyðileggingu sem vinstri menn boða.
Smelltu á spilarann hér að neðan til að horfa á þáttinn:
RÚV ber lygar á borð fyrir landsmenn
Íris Erlingsdóttir, fjölmiðlafræðingur, er óhlífin í gagnrýni á falsfjölmiðla eins og RÚV sem bera lygar á borð fyrir landsmenn vegna pólitískrar afstöðu stjórnenda. Fyrir utan að RÚV ber Charlie Kirk röngum sökum sem hatursmann gegn samkynhneigðum, þá segir RÚV að Charlie hafi haft lista með nafngreindu fólki sem honum þótti of róttækt og gefur þannig í skyn að það sé hræðilegt, þannig að hlustandinn fær þá tilfinningu að Charli hafi sett fólk á lista í annarlegu skyni, jafnvel til að myrða það. Írís spyr því beint:
„Hvernig lista RÚV? Um hvað eruð þið að tala?!”
Íris gagnrýnir að þegar ein helsta frétt heims er í gangi, þá finnur RÚV hjá sér ástæðu til að leita á Facebook til að finna einhvern sem getur sagt eitthvað gegn Charlie Kirk.
Það er einnig hægt að gera til að sýna hið gagnstæða eins og Gústaf Skúlason gerði með orðum ungrar konu sem þótti of lítið gert og óskaði eftir því að öll fjölskylda Charlie, konan og börnin líka hefðu verið myrt.
Aftakan á Charlie Kirk í beinni útsendingu fyrir fram augum milljónum manna hefur kveikt þvílíka samstöðu að vonandi dugar hún til að slökkva á eða að halda þessu myrka hatri í skefjum.
Heilbrigðisráðherra Íslands þolir ekki umræðu um tvö kyn
Transhugmyndafræðin tröllríður húsum á Íslandi og yfirvöld eru í fullkominni fjöldasturlun að vera að þröngva þessu upp á þjóðina, frá kornungum börnum til gamalmenna. Góða fólkið keppist við að aðgreina sig frá öðrum með transmerkjum, lygum um að til séu fleiri en tvö kyn er básúnað í grunnskólum landsins og börn rugluð áður en þau verða kynþroska um það að þau geti valið kyn ef þau telja að þau hafi fengið úthlutað rangt kyn við fæðingu!
Íris Erlingsdóttir les upp kafla úr ljóði Matthíasar Jochumsonar um átök Grettis við drauginn Glám sem gæti alveg eins átt við um ástandið í dag, þegar verið er að þröngva þessum ófögnuði upp á fólk. Ölmu Möller mun ekki verða kápan úr klæðinu að reyna að banna umræðuna um tvö kyn en hún hefur tekið stöðu með pólitíkusum sem nota lygina til að véla völd af fólki. Sjálf menntuð sem læknir hefur hún fargað læknaheitinu og veruleikanum fyrir peninga og völd.