Eldur Smári Kristinsson, formaður Samtakanna 22, hefur verið kærður fyrir „hatur“ gegn transfólki. Samtökin 78 er kærandi og fullyrða að Eldur Smári sem er samkynhneigður kalli allt transfólk barnaníðinga sem er ekki satt. Eldur Smári hefur aldrei sagt það um transfólk.
Stærsta synd Elds Smára er að fullyrða að aðeins séu til tvö kyn: karl og kona. Eldur Smári segir einnig að einungis konur geti fætt börn. Þessar fullyrðingar Elds Smára ættu flestir Íslendingar að geta tekið undir. Þetta eru gömul sannindi og ný sem stangast á við hina nýju kynsegin hugmyndafræði sem fullyrðir að karlmaður sé ekki karlkyns og kona ekki kvenkyns. Huglæg ósk og yfirlýsing um að kyn sé æðri líffræðilegum raunveruleika sem á að loka ofan í skúffu gleymskunnar ásamt tungumáli og aldagömlu siðferði.
Geirvörtusull karlmanns getur aldrei komið í stað móðurmjólkur
Hlutirnir hafa gengið svo langt að einstaka líffræðilegir karlmenn eru farnir að borða lyf og hormóna til að geta haft ungabörn á brjósti. Slíkt blæti telur Eldur Smári að flokkast gæti undir barnaníð. Það er annað en Eldur Smári er kærður fyrir: að kalla transfólk barnaníðinga. Að auki eru miklar umræður um innihald þessa geirvörtusulls sem vesalings hvítvoðungarnir neyðast til að innbyrða. Eitt er ljóst, það er engin venjuleg „móðurmjólk.“
RÚV flytur ósannindi beint upp í andlit þjóðarinnar
Eldur Smári segir Samtökin 78 ekki lengur fær um að gegna hlutverki sínu að tryggja mannréttindi samkynhneigðra og hafi í raun breyst í kreddufullan sértrúarsöfnuð. Þau skrifuðu kynsegin lögin sem Alþingi samþykkti og notuð eru til að keyra umbyltingu hugmyndafræði þeirra áfram um alls konar kyn. Fréttamaður RÚV fullyrti í beinni útsendingu að kynþroskahemlar sem verið er dæla í börn til að skipta um kyn áður en þau verða kynþroska hafi engar óafturkræfar verkanir. Sem sagt RÚV gengur út með þann boðskap að það sé allt í lagi fyrir börn og unglinga að skipta um kyn, svona bara til að prófa. Allt sé í stakasta lagi og hægt að sjá eftir öllu saman og halda áfram að vera það sem maður var áður væri hægt að halda.
RÚV hleypir ekki formanni Samtakanna 22 að hljóðnemanum
Eldur Smári nefndi lönd eins og Finnland, Svíþjóð, Bretland og Holland, þar sem hið gagnstæða hefur komið í ljós og yfirvöld hafa stöðvað slíka meðferð. Hann segir einnig að hann hafi boðið RÚV mörgum sinnum að koma og leiðrétta og ræða málin en þeir vilji ekki hleypa honum að hljóðnemanum, hans hlið á málunum passar ekki inn í gildandi trúarkenningu RÚV. Eldur Smári Kristinsson er formaður Samtakanna 22 sem eru samtök samkynhneigðra sem starfa á öðrum hugmyndafræðilegum grunni en Samtökin 78. Samtökin 22 verja málfrelsið og mannréttindi hvers og eins.
CASS skýrslan
Sem dæmi um pólitískan rétttrúnað RÚV nefnir Eldur Smári, að hann þýddi hluta CASS skýrslunnar (sjá pdf að neðan) og fór með til landlæknis. Eldi Smára var ekki boðið að ræða skýrsluna hjá RÚV sem bauð formanni Samtakanna 78 að útskýra skýrsluna en hún hafði ekki lesið skýrsluna. Engu að síður fordæmdi hún innihaldið og sagði ekkert hafa komið fram í skýrslunni sem „snertir íslenskan raunveruleika.“
Eldur Smári spyr:
„Hvað veit hún um það ef hún hefur ekki lesið skýrsluna?“
Siðferðisleg skylda allra að grípa til varna fyrir börnin
Eldur Smári segir gremjufræðina ekki snúast um skynsemi heldur sé hún hugmyndafræði til að brjóta niður vestræn gildi. Eldur Smári segir:
„Það er siðferðileg skylda hvers einasta manns og konu í samfélaginu að grípa til varna fyrir börn og verja börnin.“
Undir þessi orð má taka. Varla er það á þeim grunni sem þeir starfa sem réttlæta að líffræðilegir karlmenn taki börn á brjóst? Hvítvoðungurinn velur sér ekki brjóst. Offorsið og hatrið virðist vera hjá þeim sem þola ekki heiðarlega umræðu og leggjast gegn þeim sem „dirfast“ að ræða málin. Það er nýtt á Íslandi að fara að dæma fólk fyrir hatursumræðu út um allar trissur. Er það ekki bara verkfæri fyrir valdhafa til að þagga niður í þeim sem eru óþægilegir og spyrja „vitlausra“ spurninga?
Þeir sem vilja aðstoða Eld Smára við lögfræðikostnað geta myndað kóðan hér að neðan til að fá upplýsingar:
