Minningarathöfnin um Charlie Kirk var ríkisviðburður í Bandaríkjunum. Forsetinn var á staðnum ásamt fleiri ráðherrum ríkisstjórnarinnar sem tóku til máls og vottuðu hinum látna Charlie Kirk, ekkju og börnum virðingu sína. Vegna sterkrar trúar Charlie Kirk og flestra á staðnum breyttist leikvangurinn í fjöldakirkju Krists. Þvert á allar lygar og óhróður vinstri manna um ofbeldi MAGA hreyfingarinnar, þá var það friðarboðskapur og hinn vanginn sem sýndur var. Ekkja Charlie sagði að Kristur hefði gefið líf sitt til að afplána syndir mannanna, einnig morðingjans. Saksóknarinn stefnir að stærstu refsingu viðurlaga sem er dauðadómur yfir morðingjanum.
Morðið hefur vakið öldu samstöðu frelsisafla um gjörvalla veröld. Allt frá Suður-Kóreu, Ástralíu, gegnum Evrópu aðallega London hefur fólk safnast saman og sungið ættjarðarlög og sálma í þeim mæli að líkist helst senum frá tímabili seinni heimsstyrjaldarinnar. Vonandi er þetta tákn þess, að fólk sé að vakna og rísa upp gegn lygum, óhróðri vinstri fasista og opinberra fréttamiðla sem gengið hafa svo langt að kalla menn öfga hægrisinna bara fyrir það eitt að vera kristnir.
Á minningarhátíðinni var oft vitnað í þau orð Charlie Kirk að fólk eigi að giftast, stofna heimili og eignast börn. Charlie Kirk þreyttist ekki á því að kenna að það að verða foreldri og fá ábyrgð á lífi barna sinna leiði til þroska, hamingju og heilbrigðs lífs. Einmitt þetta atriði er kjarninn í baráttunni gegn transhugmyndafræðinni og galopnum landamærum.
Árásin á hina kristnu menningu eins og kemur fram í afneitun á boðskap kristninnar um tvö kyn og fjölskylduna sem grunnstoð mannlegs lífs, breytingu á tungumáli til að koma að andkristnum gildum, bein íhlutun með kynferðisvæðingu smábarna til að rugla ókynþroska börn ásamt innflutningi á fólki með andkristna menningu, þar sem kvenfólk hefur stöðu ambátta undir einræði karlmanna og barnaníð er leyft, allt er þetta gert til að brjóta niður hin vestrænu samfélög eins og við þekkjum þau.
Bandaríkjamenn hafa risið upp gegn þessari árás og myndað samstöðu á grundvelli stjórnarskrár sinnar og kristinnar trúar. Vók hugmyndafræðin er á flótta undan MAGA hreyfingu Trumps og flýr til Evrópu og hreiðrar um sig undir fána ESB og gleypir í sig smáþjóðir eins og Ísland.
Jón Magnússon, hæstaréttarlögmaður og fv. alþingismaður skrifar á blog.is:
„Mér fannst athyglisvert að hlusta á Ben Carson benda á að það skipti máli að hlusta á þá sem tala um það sem stendur í Biblíunni en ekki það sem vinstri menn vilja að standi þar. Mér var óvart hugsað til biskupsins og nokkurra klerka hinna íslensku þjóðkirkju. Ben benti líka á að land getur ekki verið frjálst nema það eigi einstaklinga sem hafi hugrekki til að berjast gegn hinu illa.“
Jón telur minningarhátíðina í raun sigurhátíð fyrir heilbrigð framsækin kristileg stjórnmálaöfl í baráttu gegn því sem er falskt „gegn hatrinu og illskunni sem er andhverfa þess sem Charlie Kirk barðist fyrir sem framsækinn, þjóðernissinnaður kristinn maður.“
Undir þau orð skal tekið. Hin góða fréttin er, að fyrir sérhvern Charlie sem er drepinn koma milljón nýir í staðinn.
Erika Kirk, ekkja Charlie Kirk, átti erfitt með tárin þegar hún talaði um mann sinn og störf hans.
Donald Trump var fagnað af manfjöldanum, þegar hann steig á sviðið eftir að ekkja Charlie Kirk hafði haldið áhrifamikla ræðu sína.