Hrottaleg hnífaárás var gerð í Møllenberg, Þrándheimi á laugardag. Fjórir særðust og eru tveir í lífshættu. Lögreglan handtók fimm manns grunaða um stórfellda líkamsárás eða aðstoð við verknaðinn. Atvikið er nú flokkað af norsku lögreglunni sem tengslaátök.
Lögreglan var kölluð á vettvang klukkan 13:30 að staðartíma eftir að tilkynnt var um alvarlegt ofbeldisatvik. Sjúkrabílar komu fljótt á staðinn og hlúðu að þeim særðu. Alls voru fjórir fluttir á St. Olavs sjúkrahúsið: tveir karlmenn á fertugsaldri eru lífshættulega særðir, karlmaður á tvítugsaldri er alvarlega særður og kona um tvítugt er með minniháttar áverka.
🏃♂️🗡
— 🔻Inside the conflict (@Muhamma22474285) March 29, 2025
4 Injured in Brutal Knife Attack in Trondheim, Norway — Suspect Caught pic.twitter.com/54sBhOPAxp
Fimm menn handteknir
Hinir fimm handteknu – þrír karlar og tvær konur á aldrinum 20 til 40 ára – eru grunuð um grófa líkamsárás eða aðstoð við grófa líkamsárás. Fjögur þeirra særðust sjálf við ódæðið að sögn lögreglu sem bendir til þess að að til átaka hafi komið. Talsmaður lögreglunnar í Þrándheimi sagði við NRK:
„Við lítum á þetta sem átök milli tengdra aðila sem hlut eiga að máli. Rannsóknin er á frumstigi og við erum að vinna að því að meta tildrög og aðstæður.“