20. september tóku sig saman félög lesbía, homma og bisex fólks í mörgum löndum og stofnuðu LGB International. Eru þessi samtök stofnuð til að rífa sig frá þvingandi transhugmyndafræði sem bæði ræðst gegn kristinni trú og aflimar börn í nafni kynjaskipta. LGB International segja kynin vera tvö og ekki sé hægt að lifa í „röngum“ líkama. Þau setja sig gegn líkamlegum inngripum í börn og segja rangt að telja ókynþroska börnum trú um að að hægt sé að skipta um líkama rétt eins og að þau hafi „fengið úthlutað líkama við fæðingu“ sem hægt er að „leiðrétta.“
Eldur Smári Kristinsson, fyrrverandi formaður Samtakanna 22, hefur unnið að stofnun alþjóðahreyfingarinnar með félögum sínum erlendis og er stjórnarmeðlimur LGB International. Til samræmis hafa Samtökin 22 breytt nafni sínu í LGB samtökin og eru stofnfélag í alþjóðlegu samtökunum. Eldur Smári er alþjóða fulltrúi LGB samtakanna á Íslandi sem valið hafa sér nýjan formann. Á heimmasíðu samtakanna segir:
„Allir vita að aðeins eru til tvö líffræðileg kyn. Þau sjást í móðurkviði og/eða við fæðingu og er ekki ,,úthlutað”. Við vitum að hugmyndafræði kynjafræðinga eru gervivísindi og ógn við samkynhneigða. Einnig teljum við að þessi hugmyndafræði sé ruglingsleg og hættuleg börnum.“
Eldur Smári er á leiðinni til Bandaríkjanna á fund um málefni LGB og mun þar greina frá ástandinu á Íslandi. Hann hefur gert myndayfirlit sem sýnir hversu geðveikt ástandið er orðið á Íslandi með samvinnu Samtakanna 78 við ríki og sveitarfélög. Þetta verður því miður frekar óhugnanleg landkynning en um leið því miður bæði sönn og rétt. Þjóðólfur lánar myndbandið og sýnir það aðeins hægar með viðeigandi tónlist en á undan eru yfirlýsingar stofnenda LGB International á myndskeiði.