Trump fékk ekki friðarverðlaun Nóbels eins og margir þjóðhöfðingjar heims höfðu lagt til. Í staðinn fóru verðlaunin til stjórnarandstöðuleiðtogans María Vorina Machado í Venúsúela. Er einhver hissa? Hin pólitískt gegnumvókaða friðarverðlaunanefnd Nóbel í Osló lítur ekki á Donald Trump með hlutlausum augum. Í þeirra augum er hann óvinurinn sem stöðvaði glóbalizmann í heimalandinu og sagði Bandaríkin frá WHO og Parísarsamningnum.
Það skiptir engu máli, hversu mörg stríð Donald Trump stöðvar, hversu mörgum mannslífum honum tekst að bjarga, núverandi friðarnefnd Nóbels í Osló mun aldrei veita honum friðarverðlaunin. Trump er fullveldissinni, leiðtogi frelsis og framfara og helsti andstæðingur glóbalizmans á jörðinni. Hatrið gegn Donald Trump er svo yfirgengilegt að hversu skelfilegt sem það hljómar, þá er ekki hægt að útiloka að ef Trump yrði ráðinn af dögum, sem er helsta ósk andstæðinga hans, þá ætti morðinginn hugsanlega meiri möguleika á að fá friðarverðlaunin en maður að nafni Donald Trump.
Nóbelsnefndin tilkynnti að María Corina Machado hlyti friðarverðlaun Nóbels fyrir
„óþreytandi starf sitt við að efla lýðræðisleg réttindi venesúelsku þjóðarinnar og fyrir baráttu sína fyrir réttlátri og friðsamlegri umbreytingu frá einræði til lýðræðis.“
Mörg lönd, stjórnmálamenn og einstaklingar höfðu lagt til við nefndina að Trump ætti að fá friðarverðlaunin meðal annars fyrir að miðla friði í landamæradeilum Kambódíu og Tælands. Aðstoðarforsætisráðherra Kambódíu sagði að Trump hafði „gripið beint inn í deilurnar og stöðvað landamærastríðið“ og Kambódía tilnefndi hann til friðarverðlaunanna. Forsætisráðherrann sagði að hann tilnefndi Trump vegna þess að diplómatísk aðkoma Trumps hefði hindrað enn frekari mannsdráp og flutninga almennings.
Trump fékk einnig stuðning, meðal annars frá utanríkisráðherra Möltu, sem tilnefndi hann með þeim rökum að hann hefði lagt sitt af mörkum til friðarsamkomulagsins milli Armeníu og Aserbaídsjan og til lausnar átakanna í Mið-Austurlöndum og Úkraínu.
Volodymyr Zelenský, forseti Úkraínu, sagði að Úkraína myndi tilnefna Trump „ef hann gæfi heiminum – sérstaklega íbúum Úkraínu – tækifæri til vopnahlés.“ Friðarverðlaunahafinn ESB er þar helsti þrándur í götu friðar. Í Bandaríkjunum lagði þingmaðurinn Buddy Carter fram tillögu um að tilnefna Trump á grundvelli samkomulagsins milli Ísraels og Hamas.
Þeir sem styðja Trump benda á mörg atriði: Aðgerðir Trumps gegn fíkniefnasmygli og mannsmygli á suðurlandamærum Bandaríkjanna, en þar er glæpahópum lýst em „stríðsvélum“ og Trump tók til hendi sem enginn annar hafði áður þorað. Friðaráætlunin milli Ísraels og Hamas inniheldur 20 liða tillögu sem Trump kom að varðandi fangaskipti og vopnahlé.
Auk árangurs í friðarsamningum erlendis þá kom ein athyglisverðasta tilnefningin frá The American Border Story sem tilnefndi Trump til Nóbelsverðlaunanna fyrir hönd ættingja þess fólks sem myrt hefur verið af ólöglegum innflytjendum eða dáið vegna eiturlyfja eins og fentanýls. Í opnu bréfi til Nóbelsnefndarinnar skrifuðu þau:
„Frá fyrsta degi í Hvíta húsinu auðkenndi Trump eiturlyfjahringina fyrir það sem þeir eru: stríðsvél sem eyðileggur mannslíf. Hann beitti sér á meðan aðrir héldu að sér höndum. Hann bjargaði börnum okkar.“
Í bréfinu var baráttunni gegn mansali, landamæraofbeldi og ópíóíðakreppunni lýst sem „nútíma friðarviðleitni heima fyrir.“ Anne Fundner sem missti son sinn í fentanýlneyslu sagði:
„Trump leit ekki undan. Hann setti baráttuna í forgang. Þess vegna á hann skilið þessa viðurkenningu.“
Ef ég héti Obama
Sú staðreynd að verðlaunin fóru ekki til Trumps kallar á gagnrýni á stefnu núverandi nefndarmanna sem frekar fylgja pólitískum rétttrúnaði en fyrirmælum í erfðaskrá Alfred Nóbels. Meðal fyrri verðlaunahafa eru til dæmis Barack Obama árið 2009, ESB árið 2012 og Henry Kissinger árið 1973. Bæði Obama og Kissinger eru alræmdari fyrir stríðsstefnu sína en að stuðla að friði. ESB er alræmdasti hvatamaður að áframhaldandi stríði í Úkraínu og undirbýr allsherjarárás á Rússland.
Trump sagði sjálfur árið 2024: „Ef ég héti Obama, þá hefði ég fengið verðlaunin á tíu sekúndum.“