Fram að þessu hefur Íran verið talin helsta ógnin, þegar kemur að því að kjarnorkuvopn falli í hendur bókstafstrúarmanna íslam. Nú varar Suella Braverman, fyrrverandi innanríkisráðherra Bretlands, við því að vegna mikils innflutnings múslima gæti Bretland orðið „fyrsta íslamska þjóðin með kjarnorkuvopn.“
Að sögn Braverman gæti Bretland „fallið í hendur bókstafstrúar múslima“ og verið stjórnað af sambærilegri stjórn og í Íran. Munurinn er sá að í Bretlandi munu þeir hafa til umráða eitt stærsta kjarnorkuvopnabúr í heimi.
Ekki sú fyrsta með slíkar áhyggjur
Braverman varaði við þessari þróun í ræðu hjá hugveitu íhaldsmanna Heritage Foundation í Washington. Hún nefndi líka að hún væri ekki sú eina eða sú fyrsta til að lýsa slíkum áhyggjum.
„Varaforseti JD Vance sagði á ráðstefnu íhaldsmanna, þar sem ég talaði einnig í sumar, að Bretland yrði fyrsta þjóð íslam með kjarnorkuvopn. Ég held að hann hafi ekki verið að grínast.“
Horfði 20 ár fram í tímann
Fyrrverandi innanríkisráðherra Bretlands varpaði fram þeirri spurningu hvort stærsta hernaðarógn Bandaríkanna eftir 20 ár gæti ekki orðið Bretland í stað Kína eða Rússlands.
„Hvað gerist ef Bretland fellur í hendur bókstafstrúar múslima, réttarkerfi okkar verður skipt út fyrir Sharia-lög og kjarnorkuvopnagetu okkar er stjórnað af stjórn svipaðri þeirri og er í Íran í dag? Eigum við ekki að sýna hugrekki og spyrja slíkra spurninga?
Samband Bretlands og Bandaríkjanna „í rúst“
Braverman sagði einnig að samband Bretlands og Bandaríkjanna undir stjórn Keirs Starmer forsætisráðherra og Verkamannaflokksins væri „í rúst.“ Þessi staðreynd eykur hættuna á pólitískri þróun íslam í Bretlandi að sögn Braverman.
Varað hefur verið við svipaðri pólitískri þróun í nokkrum löndum, þar á meðal Svíþjóð, þar sem innflutningur múslima er kominn á það stig að margir tala um „íbúaskipti.“ Í vissum múslímskum hópum er viðurkennt, að æðsta markmið íslam sé að taka völdin í ríkinu. Mun það gerast án ofbeldis ef hlutfall múslímskra íbúa á Vesturlöndum verður svo stórt að múslímskir flokkar nái meirihluta í kosningum.
