Thjodolfur

frjals og fullvalda

Bíl ekið inn í fólksfjölda í London – kona myrt, tveir særðir

Gústaf Skúlason

Kona var myrt og tveir eru særðir eftir að 26 ára karlmaður ók sendibíl á fjölda gangandi vegfarenda í miðborg London. Ökumaðurinn var handtekinn á vettvangi. Kona á tvítugsaldri var úrskurðuð látin á vettvangi og a.m.k. tveir aðrir vegfarendur slösuðust. Báðir voru fluttir á sjúkrahús, annar með hugsanlega lífshættulega áverka og hinn með minniháttar áverka.

Lögreglan sagði að atvikið, sem átti sér stað skömmu fyrir hádegi nálægt King’s College í London og Somerset House, væri ekki tengt hryðjuverkum.

Ökumaður sendibílsins, 26 ára karlmaður, var handtekinn á vettvangi grunaður um að hafa valdið dauða með gáleysislegum akstri og akstri undir áhrifum fíkniefna.

Slökkvilið Lundúna sagði að tveir slökkviliðsbílar og um tíu slökkviliðsmenn frá Dowgate og Lambeth slökkviliðsstöðvum hefðu verið kallaðir á staðinn til að aðstoða sjúkrabílaþjónustuna í London.

Áhugaverðar fréttir

Fara efst á síðu