Alma Möller heilbrigðisráðherra er einstaklega óheppin kona. Hún fékk Ísland úthlutað við fæðingu. Íslendingar eru fólk sem ræða mál sem mörg tengjast til forna eins og glíma Grettis við drauginn Glám. Alma skortir krafta Grettis en getur reynt að halda sér í feldinn í því reipitogi við þjóðina sem hún hefur valið. Alma skrifar á Vísi 13. september „Ég er eins og ég er“ þar sem hún skammast út í fólk fyrir að halda fram þeirri fásinnu að kynin séu aðeins tvö:
„Umræða um hvort kynin séu aðeins tvö á ekki við í nútímasamfélagi og almennt er viðurkennt að fjölbreytileiki kyntengdra einkenna, kynvitundar og kynhneigðar sé mikill og í líkingu við róf.“
Vesalings Alma að þurfa að búa í samfélagi sem er svo gamaldags að taka umræðuna um Adam og Evu og trúa því sem læknisfræðin hefur sagt um aldur og ævi: KYNIN ERU TVÖ – KARL OG KONA. Greinilega hefur Ölmu verið úthlutað vitlaust land við fæðingu svo núna þarf hún að ráðfæra sig við landfræðinga til að ákveða aðgerðir um breytingu til rétts lands. Eftir því hvaða land er nútímalegra en Ísland til dæmis Kína? Norður-Kórea? þarf Alma mögulega að undirgangast skurðaðgerðir og breyta líkama sínum á óafturkræfan hátt svo hún fái sambærilegt útlit til að geta fallið vel inn í hið nútímalega umhverfi, þar sem engar umræður eru leyfðar um neitt nema það sem hin nútímalega Alma Möller samþykkir.
Alma Möller, sem er menntaður læknir og hefur eflaust fylgt læknaheitinu stundum sem þyrlulæknir og engillinn að ofan, hefur sett allt sem hún hefur lært í skjóðu hins pólitíska rétttrúnaðar. Hún skrifar:
„Teymið veitir börnum yngri en 18 ára, sem upplifa misræmi milli kynvitundar og þess kyns sem þeim var úthlutað við fæðingu, meðferð í samræmi við þarfir auk stuðnings og ráðgjafar við forsjáraðila.“
Samkvæmt pólitískum rétttrúnaði biskups Íslands og heilbrigðisráðherrans hefur guð verið lítillækkaður í stöðu úthlutunarstjóra kyns við fæðingu barna. Kynleiðréttingaraðgerðir vegna fólks sem fékk úthlutað rangt kyn við fæðingu eru þess vegna nauðsynlegar vegna mistaka Guðs sem verður að laga og gera um betur. Doktor Mengele gat ekki dreymt um þá tækni að breyta mætti sköpunarverkinu á þann hátt sem fjórða iðnbyltingin mælir fyrir um. Læknavísindin vita betur. En Alma og biskupinn velja að fara í stríð við raunveruleikann til að þóknast pólitíska rétttrúnaðinum og fá völd og peninga í staðinn. Verði ykkur að góðu.
Harkan og heimskan, þrjóskan og þjóðin
Lýsing Matthíasar Jochumssonar á glímu þeirra Grettis og Gláms í Grettisljóðum er eins og lýsing á glímu þjóðarinnar við trans hugmyndafræði nútímans sem er nútíma draugur í íslensku samfélagi. Húsin leika á þræði, það ýlir í veggjum og orgar í þökum, það ískrar af heiftarbræði:
Slaufumenningin slaufar Jesús og kemur með þá kenningu inn í grunnskóla landsins að kynin séu alls ekki tvö. Að það sé valkostur fyrir einstaklinginn að velja kyn eftir fæðingu! Fulltrúar þessarar hugmyndafræði eru meira en tvö þúsund ára tímaskekkja. Að bjóða kristnu samfélagi sem hið íslenska er upp á aðra eins bölheima fornynju-mynd er fullkomin heimska heilbrigðisráðherrans sem teygja hausinn inn og hátt upp við rjáfrið sig reigir.
Íris Erlingsdóttir gerði eftirfarandi meme um ástandið:
