Glóbalistaelítan reynir að fá jarðarbúa til að borða pöddur, lirfur og annan fuglamat. Á að útrýma bændum og landbúnaði svo Bill Gates og aðrir stórhugar geti grætt á pödduframleiðslu sem gefur margfaldaðan gróða miðað við hefðbundinn landbúnað. Rökin eru að sjálfsögðu græna hættan: Ef þú borðar pöddur, þá ertu með og bjargar loftslaginu og áframhaldandi lífi á jörðunni. Hér er saga um Svíann Nils Österström sem trúði lyginni og ætlaði að verða ríkur á því að búa til mat úr mjölormum. Núna er fyrirtæki hans gjaldþrota.
Fjölmiðlar hnattræningja dengja þeim lygaáróðri yfir heimsbyggðina, að heimsendir sé í nánd. Hamfarahlýnun þýði dauða og eyðileggingu nema að jarðarbúar (fyrir utan þá sjálfa) breyti matarvenjum sínum. Aðgerðirnar miðast við að draga úr losun koltvísýrings. Kjötiðnaðurinn er sagður einn af stóru „sökudólgunum í loftslagsmálum.“ Eini möguleiki mannkyns til að komast lifandi út úr þessum ósköpum er að borða skordýr.
„Eat ze bugz!”
Klaus Schwab stofnandi World Economic Forum hefur rekið svo mikinn áróður fyrir ágæti pöddumatar sem einu „sjálfbæru” leiðinni til að bjarga heiminum með sínum grófa þýska framburð, að hugtakið „Eat ze bugz” er orðið heimsþekkt fyrir þessa geðveiki.
Svíinn Nils Österström keypti lygina og stofnaði matarverksmiðju til að framleiða mannafæðu úr mjölormum. Fyrirtækið var stofnað árið 2016 og náði að skrapa saman 45 milljónir sænskar krónur í hlutafé. Nils Österström var sannfærður um að þessi snilldarframleiðsla væri gullgæs eigenda fyrirtækisins. Hann sagði í samtali við Dagens Nyheter vorið 2023:
„Einn daginn náum við þangað. Núna gerist svo mikið á bak við tjöldin. Það tekur tíma að byggja upp nægilega stóra framleiðslugetu, þróa sjálfa vöruna og markaðssetninguna og fá öll tilskilin leyfi til framleiðslunnar.”
Nákvæmlega hvað hann átti við með „á bak við tjöldin” er ekki ljóst. Ein ágiskun gæti verið þau störf sem Sameinuðu þjóðirnar ástunda til að smala jarðarbúum yfir í skordýraát.
Milljóna tap
Það kom fljótlega í ljós að fyrirtækinu mistókst algjörlega að finna eða skapa markað fyrir mannlegt pödduát. Árið 2023 var velta fyrirtækisins 531.000 sænskar krónur en tapið 13,6 milljónir sek. Impact Loop greinir frá því, að fyrirtækinu hafi tekist að safna 4,1 milljón sek hjá fjárfestum Í júní 2024.
Farið hefur verið fram á gjaldþrot félagsins. Hin stórsniðna mjölormaframleiðsla sem átti að tryggja Österström og öðrum eigendum fyrirtækisins stórfelldan gróða breyttist í martröð. Österström skrifar í yfirlýsingu til Impact Loop:
„Fyrirtækið hefur unnið hörðum höndum að því að finna langtíma sjálfbæra fjárhagslausn. Þrátt fyrir uppbyggilegar viðræður við mjög áhugaverða mögulega samstarfsaðila með það að markmiði að stækka fyrirtækið hefur því miður ekki tekist að leysa brýnustu fjárhagsstöðuna.“
