Eitthvað talar Zelensky klofnum tungum þegar hann annars vegar þykist vilja frið og hins vegar heimtar meiri peninga, vopn og núna 200 þúsund manna evrópskan her til Úkraínu frá Vesturlöndum. Hann krefst einnig aðildar að bæði ESB og Nató og meinar að ef Trump minnkar eða hættir fjáraustri Bandaríkjamanna í stríðið, þá verði ESB og Nató að taka yfir. Það er nákvæmlega sama stefna sem Matt Rutte aðalritari Nató boðar, þegar hann heimtar að lífeyrissjóðir Vesturlanda borgi fyrir stríðsreksturinn. Ursula von der Leyen forseti ESB tekur undir.
Zelensky er á fundi glóbaliztanna í Davos og þar krafðist hann í ræðu sinni áframhaldandi stuðnings Vesturlanda með áherslu á langdræg vopn og öryggistryggingu eins og með Nató aðild og að 200 þúsund manna erlendar hersveitir verði staðsettar í Úkraínu. Að sögn Zelensky á það að koma í veg fyrir nýja innrás Rússa í framtíðinni:
„Án sterkra öryggistrygginga mun Pútín örugglega snúa aftur með tíu sinnum stærri her en hann hafði í byrjun árs 2022.“
Krafan kemur samtímis og nýskipaður Bandaríkjaforseti Donald Trump hefur gert hlé á allri erlendri aðstoð (nema til Ísraels og tengdra landa) þar til endurskoðun hefur verið gerð. Ríkisstjórn Trumps hefur einnig lofað að forgangsraða skjótri lausn á deilunni milli Rússlands og Úkraínu.
Zelensky lýsir yfir áhyggjum af því að ákvarðanir nýrrar Bandaríkjastjórnar muni hafa áhrif á stuðning Vesturlanda til Úkraínu. Hann varar við því að veikt Úkraína myndi opna dyrnar fyrir framtíðarárás Rússa á Nató-ríki.
Úkraínskir leiðtogar hafa lengi lagt áherslu á að hermenn þeirra fórni lífi sínu til að vernda Evrópu gegn Rússlandi. Zelensky ítrekaði þetta viðhorf í Davos og lagði áherslu á að vestrænum ríkjum bæri siðferðileg skylda til að halda áfram að veita Úkraínu stuðning.
Rússland lýsir átökunum sem vestrænu staðgengilsstríði þar sem Úkraína er notuð sem „byssufóður.“ Stjórnarfulltrúar í Kreml segja að stækkun Nató og aukin samvinna við Úkraínu séu orsakir átakanna og að lausn þurfi að taka mið af þeim staðreyndum.
