Thjodolfur

frjals og fullvalda

Zelenskí krefst þess að Vesturlönd sjái Úkraínu fyrir kjarnorkuvopnum

Gústaf Skúlason

Zelenskí krefst þess að Vesturlönd láti hann fá kjarnorkuvopn til að skjóta á Rússland. Heldur nokkur maður virkilega að þessi brjálæðingur vilji frið? Volodymyr Zelenskí, forseti Úkraínu, var nýlega í viðtali í þætti Piers Morgan Uncensored (sjá myndskeið að neðan) og setti þar fram þá kröfu að Vesturlönd útveguðu Úkraínu kjarnorkuvopn.

Piers Morgan: Eins og þú veist, þá segir Pútín fólki sínu að hann gera þetta til að vernda þjóðaröryggi Rússlands. Að hann muni ekki leyfa Úkraínu að ganga með í Nató vegna þess að það skapi tilvistarógn fyrir hann og gagnvart öryggi rússnesku þjóðarinnar. Ég er ekki sammála því en það er það sem hann segir fólki sínu.

Ég hlakka til þegar allir eru sestir við borðið og reyna að semja um að endalok stríðsins. Ég sé bara ekki hvernig hann mun leyfa það sem hluta samningsins að þið getið gerst fullgildur aðili að Nató. Þess vegna er það áhugavert fyrir mig, hvort þú hafir hugsanlega áætlun B, sem felur í sér nægar tryggingar fyrir öryggið, sérstaklega fyrir herinn, sem mun hindra hann frá því að gera árás aftur. Er það réttur skilningur á afstöðu þinni?

Volodymyr Zelensky: Nató verður ekki í dag, heldur í einhvern tíma í framtíðinni…. Ef þetta ferli tekur langan tíma, mörg ár eða áratugi… þá höfum við bara eina spurningu: Hvernig eigum við að verjast gegn þessari illsku allan þann tíma sem ferlið tekur?

Hvers konar stuðningspakka, hvaða eldflaugar? Fáum við kjarnorkuvopn? Leyfum þeim þá að gefa okkur kjarnorkuvopn. Munu þeir láta okkur fá eldflaugar í þeim mæli að við getum stöðvað Rússland? Ég er ekki viss um það, en ég held að það myndi hjálpa. Annars, hvaða eldflaugar geta stöðvað kjarnorkueldflaugar Rússlands? Það er tvíræð spurning. Við skulum gera þetta á eftirfarandi hátt:

Látið okkur fá kjarnorkuvopnin aftur, látið okkur fá eldflaugakerfi, samstarfsaðila, hjálpið okkur að fjármagna milljón manna her, staðsetjið liðsauka ykkar á þeim stöðum í ríki okkar þar sem við viljum skapa stöðugleika svo að fólkið fái ró….

Hér að neðan má heyra Zelenskí krefjast kjarnorkuvopna, eldflaugakerfi, fjármagn fyrir milljón manna her ásamt liðsauka til að skapa „stöðugleika“ fyrir úkraínsku þjóðina. Er nema von að Trump krefjist þess að forsetakosningar verði haldnar tafarlaust í Úkraínu?!

Áhugaverðar fréttir

Fara efst á síðu